Book Title: Agam 08 Antkruddasha Gujarati Translation
Author(s): Dipratnasagar, Deepratnasagar
Publisher: Dipratnasagar, Deepratnasagar
View full book text
________________ આગમસૂત્ર 8, અંગસૂત્ર 8 અંતકૃત્-દશાંગ સૂત્ર આ રીતે રત્નાવલી તપની પહેલી પરીપાટી એક વર્ષ, ત્રણ માસ, ૨૨-અહોરાત્ર વડે યથાસૂત્ર યાવત્ આરાધિત થાય છે. પછી બીજી પરિપાટીમાં પહેલી પરિપાટી મુજબ તપ કરે છે, પણ પારણા બધા વિગઈ છોડીને કરે છે. પછી ત્રીજી પરિપાટી આરંભે છે, તેમાં તપ પૂર્વવત્ જ છે. પણ પારણુ અલેપકૃત કરે છે, એ રીતે જ ચોથી પરિપાટી આરાધે છે, તેમાં પારણા આયંબિલથી કરે. 49. પહેલીમાં સર્વકામગુણિત, પારણુ, બીજામાં વિગઈને વર્જીને, ત્રીજીમાં અલેપકૃતુ અને ચોથીમાં આયંબિલથી પારણુ કરે. 50. ત્યારપછી તે કાલી આ રત્નાવલી તપને પાંચ વર્ષ, બે માસ, ૨૮-દિવસે યથાસૂત્ર યાવત્ આરાધીને આર્યા ચંદના પાસે આવી, વંદના-નમસ્કાર કરી, ઘણા ઉપવાસ આદિ વડે યાવત્ આત્માને ભાવિત કરતા વિચરે છે. ત્યારપછી તે કાલી આર્યા, તે ઉદાર યાવત્ ધમની વ્યાપ્ત થઈ ગયા. જેમ કોઈ કોલસા ભરેલ ગાડી હોય યાવત્ સારી રીતે હોમ કરેલ અગ્નિ હોય, ભસ્મરાશિથી ઢંકાયેલ હોય, તેમ તપ-તેજ શ્રી વડે અતિ ઉપશોભતી રહી હતી. ત્યારપછી તે કાલી આર્યાને અન્ય કોઈ દિને મધ્યરાત્રિકાળે આવો વિચાર આવ્યો, સ્કંદકની વિચારણા મુજબ જાણવું યાવત્ ઉઠવાની શક્તિ છે, ત્યાં સુધીમાં મારે કાલે યાવતુ સૂર્ય ઉગ્યા પછી આર્યા ચંદનાને પૂછીને, તેમની અનુજ્ઞા પામીને, સંલેખના કરીને, ભોજન-પાનનું પચ્ચકખાણ કરીને, કાળની અપેક્ષા ન કરતાં વિચરવું. એમ વિચાર કરીને બીજા દિવસે આર્યા ચંદના પાસે આવીને, તેમને વંદન-નમન કરી આમ કહ્યું - હે આર્યા! આપની અનુજ્ઞા પામીને સંલેખના યાવત્ વિચરવા ઇચ્છું છું. આર્યા ચંદનાએ કહ્યું - જેમ સુખ ઉપજે તેમ કરો. કાલી આર્યા, ચંદના આર્યાની અનુજ્ઞા પામી, સંલેખના-ઝોષણા કરતા યાવત્ વિચરે છે. કાલી આર્યા, ચંદના આર્યા પાસે સામાયિક આદિ અગિયાર અંગોને ભણીને, પ્રતિપૂર્ણ આઠ વર્ષનો થામણ્ય પર્યાય પાળીને, માસિકી સંલેખનાથી આત્માને આરાધી, 60 ભક્તોને અનશન વડે છેદીને, જે હેતુ માટે ચારિત્ર ગ્રહણ કરેલ, તે અર્થને સાધીને, છેલ્લા ઉચ્છવાસ-નિઃશ્વાસે સિદ્ધ થયા. હે જબૂ! ભગવંત મહાવીરે વર્ગ-૧ ના અધ્યયન-૧ નો અર્થ આ પ્રમાણે કહેલ છે. વર્ગ-૮, અધ્યયન-૨ ‘સુકાલી' સૂત્ર-પ૧ તે કાળે તે સમયે ચંપા નામે નગરી હતી, પૂર્ણભદ્ર ચૈત્ય હતું, કોણિક નામે રાજા હતો. ત્યાં રાજા શ્રેણિકની પત્ની અને કોણિકની લઘુમાતા સુકાલી દેવી હતા. કાલીદેવીની માફક દીક્ષા લીધી, યાવત્ ઘણા ઉપવાસ યાવત્ ભાવતા વિચરે છે. તે સુકાલી આર્યા અન્ય કોઈ દિને, ચંદના આર્યા પાસે આવીને કહ્યું કે- આપની અનુજ્ઞા પામીને કનકાવલી તપ સ્વીકારી વિચરવા ઇચ્છું છું. રત્નાવલી માફક જ કનકાવલી જાણવી. વિશેષ એ કે ત્રણ સ્થાને અટ્ટમ કરે છે, જ્યાં રત્નાવલીમાં છઠ્ઠ આદિ છે. એક પરિપાટીમાં પાંચ માસ, ૧૨-દિન થાય છે. ચારે પરિપાટી થઈને પાંચ વર્ષ, નવ માસ, ૧૮-દિન થાય છે, બાકી પૂર્વવત્ . નવ વર્ષનો પર્યાય પાળી યાવત્ સુકાલી આર્યા સિદ્ધ થયા. વર્ગ-૮, અધ્યયન-૩ મહાકાલી' સૂત્ર-પ૨ એ પ્રમાણે કાલી રાણી માફક મહાકાલી રાણી પણ જાણવા. મુનિ દીપરત્નસાગર કૃત્ “(અંતકૃત્ દશા)” આગમસૂત્ર ભાવાનુવાદ Page 30
