Book Title: Agam 08 Antkruddasha Gujarati Translation
Author(s): Dipratnasagar, Deepratnasagar
Publisher: Dipratnasagar, Deepratnasagar
View full book text
________________ આગમસૂત્ર 8, અંગસૂત્ર 8 અંતકૃ-દશાંગ સૂત્ર આ જ ક્રમમાં ઘટતા ઘટતા છેલ્લે યાવતુ.એક ઉપવાસ કરે, કરીને સર્વકામ ગુણિત પારણુ કરે છે. એક પરિપાટીનો કાળ ૧૧-માસ, ૧૫-દિવસનો થાય, ચારેમાં ૩-વર્ષ, ૧૦-માસ, બાકી પૂર્વવત્ યાવત્ પિતૃસેનકૃષ્ણા આર્યા સિદ્ધ થયા. વર્ગ-૮, અધ્યયન-૧૦ મહાસેનકૃષ્ણા' સૂત્ર–પ૯, 60 પ૯. એ પ્રમાણે મહાસેનકૃષ્ણા રાણી પણ જાણવા. વિશેષ એ કે - વર્ધમાન આયંબિલ તપ કરતા વિચરે છે, તે આ પ્રમાણેએક આયંબિલ, પછી ઉપવાસ કરે. પછી બે આયંબિલ કરીને ઉપવાસ કરે. એ રીતે એક-એક આયંબિલ વધતા-વધતા છેલ્લે ૧૦૦-આયંબિલ કરીને એક ઉપવાસ કરે. ત્યારે આર્યા મહાસેન કૃષ્ણા આ તપને ૧૪-વર્ષ ૩-માસ, ૨૦-અહોરાત્ર વડે સૂત્ર અનુસાર, આચાર અનુસાર યાવત્ સમ્યક્ કાયાથી સ્પર્શીને, યાવત્ આરાધીને આર્યા ચંદના પાસે આવ્યા, વંદન-નમન કરીને, ઘણા ઉપવાસ વડે યાવત્ આત્માને સંયમ વડે ભાવિત કરતા વિચરે છે. ત્યારપછી મહાસેનકૃષ્ણા આર્યા, તે ઉદાર તપથી યાવત્ અતિ શોભતા હતા. પછી તે મહાસેનકૃષ્ણા આર્યાને કોઈ દિવસે મધ્યરાત્રિએ સ્કંદકની જેમ વિચાર આવ્યો, યાવતુ આર્યા ચંદનાને પૂછીને યાવત્ સંલેખના કરી, કાળની અપેક્ષા ન કરતા વિચરે છે. તે મહાસેનકૃષ્ણા આર્યા, ચંદના આર્યા પાસે ૧૧-અંગ ભણ્યા, પ્રતિપૂર્ણ ૧૭-વર્ષ પર્યાય પાળ્યો, માસિકી સંલેખનાથી આત્માને આરાધી, 60 ભક્તોને અનશન વડે છેદીને, જે અર્થ માટે ચારિત્ર લીધેલ, તે અર્થને આરાધી છેલ્લા ઉચ્છવાસ-નિઃશ્વાસે અંતકૃત કેવલી થઇ સિદ્ધ-બુદ્ધ થયા. 10. શ્રેણિકની પત્ની-કાલી આર્યાનો પર્યાય આઠ વર્ષ, એક-એકની વૃદ્ધિ કરતા છેલ્લી મહાસેન કૃષ્ણાનો પર્યાય 17 વર્ષ થયો. સૂત્ર-૬૧ હે જંબૂ ! આદિકર, શ્રમણ ભગવંત મહાવરે આઠમાં અંગસૂત્ર અંતકૃદ્દશાનો આ અર્થ કહ્યો છે. વર્ગ 7 નો મુનિ દીપરત્નસાગરે કરેલ ગુજરાતી અનુવાદ પૂર્ણ | સૂત્ર-૬૨ અંતગડદસા અંગસૂત્રમાં એક શ્રુતસ્કંધ, આઠ વર્ગો છે, તેનો આઠ દિવસમાં ઉદ્દેશો થાય છે. તેમાં પહેલા, બીજા, ચોથા, પાંચમાં અને આઠમા વર્ગમાં દશ-દશ ઉદ્દેશા છે, ત્રીજા અને સાતમામાં ૧૩-ઉદ્દેશા, છઠ્ઠામાં-૧૬ ઉદ્દેશા છે. બાકી બધું જ્ઞાતાધર્મકથા મુજબ જાણવું. મુનિ દીપરત્નસાગરકૃત અંતકૃદ્દશાંગ સૂત્રનો ગુજરાતી અનુવાદ પૂર્ણ મુનિ દીપરત્નસાગર કૃત “(અંતકૃત્ દશા)” આગમસૂત્ર ભાવાનુવાદ Page 34
