Agam 08 Ang 08 Antkrutdashang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 12

फफफफफफफ
(८) अंतगडदसाओ ३ वग्ग १३ अज्झयणं [२] पढमवग्गपढमअज्झयणस्स अयमट्ठे पं०, एवं जहा गोयमो तहा सेसा वण्ही पिया धारिणी माता समुद्दे सागरे गंभीरे थिमिए अयले कंपिल्ले अक्खोभे पणती विण्हुए एए, एगगमो [ पढमो वग्गो दस अज्झयणा ||२| [जति दोच्चस्स वग्गस्स | उक्खेवतो, तेणं कालेणं० बारवतीते णगरीए बण्ही पिया धारिणी माता'अक्खोभ सागरे खलु समुद्द हिमवंत अचलनामे य । धरणे य पूरणेवि य अभिचंदे चेव अट्ठमते | ३|| जहा पढमो वग्गो तहा सव्वे अट्ट अज्झयणा गुणरणतवोकमं सोलस वासइं परियाओ सेत्तुञ्जे मासियाए संलेहणाए सिद्धी । ३ । [ जति तच्चस्स उक्खेवतो ], एवं खलु जंबू ! तच्चस्स वग्गस्स अंतगडदसाणं तेरस अज्झयणा अणीयसे अणंतसेणे अणिहए विऊ देवजसे सत्तुसेणे सारणे गए सुमुहे दुम्मुहे कुवए दारुए अणाहिट्ठी १३, जति णं भंते! समणेणं जाव संपत्तेणं तच्चस्स वग्गस्स अंतगडदसाणं तेरस अज्झयणा पं० तच्चस्स णं भंते! वग्गस्स पढमअज्झयणस्स अंतगडदसाणं के अट्ठे पं० १, एवं खलु जंबू ! तेणं कालेणं० भद्दिलपुरे नामं नगरे होत्था वन्नओ, तस्स णं भद्दिलपुरस्स० उत्तरपुरच्छिमे दिसीभाए सिरिवणे नामं उज्जाणे होत्था वन्नओ, जितसत्तू राया, तत्थणं मद्दिलपुरे नयरे नागे नामं गाहावी होत्था अड्ढे, तस्स णं नागस्स गाहावतिस्स सुलसा नामं भारिया होत्था सूमाला जाव सुरुवा, तस्स णं नागस्स गाहावतिस्स पुत्ते सुलसाए भारियाए अत्तए अणीयजसे नामे कुमारे होत्था सूमाले जाव सुरुवे पंचधातीपरिक्खित्ते तं० खीरधाती जहा दढपइने जाव गिरि० सुहं० परिवड्ढति, तते णं तं अणीयजसं कुमारं सातिरेगअट्ठवासजायं अम्मापियरो कलायरिय जाव भोगसमत्थे जाते यावि होत्था, तते णं तं अणियजसं कुमारं उम्मुक्कवालभावं जाणेत्ता अम्मापियरो कलायरिय जावबत्तीसाए इब्भवरकन्नगाणं एगदिवसेण पाणिं गेण्हावेति, तते णं से नागे गाहावती अणीयजसस्स कुमारस्स इमं एयारुवं पीतिदाणं दलयति तं०- बत्तीसं हिरण्णकोडीओ जहा महब्बलस्स जाव उप्पिं पासा० फुट्ट० विहरति, तेणं कालेणं० अरहा अरिट्ठ जाव समोसढे सिरिवणे उज्जाणे जहा जाव विहरति परिसा णिग्या, तते णं तस्स अणीयजसस्स तं महा० जहा गोयमे तहा नवरं सामाइयमातियाई चोद्दस पुव्वाइं अहिज्जति वीसं वासातिं परिताओ सेसं तहेव जाव सेत्तुञ्जे पव्वते मासियाए संलेहणाए जाव सिद्धे०, एवं खलु जंबू ! समणेणं अट्टमस्स अंगस्स अंतगडदसाणं तच्चस्स वग्गस्स पढमअज्झयणस्स अयमट्ठे पं०, एवं जहा अणीयजसे, एवं सेसावि अनंतसेणे जाव सत्तुसेणे जाव सत्तुसेणे छ अज्झयणा एक्कगमा बत्तीसदो दाओ वीसं वासा परियातो चोद्दस० सेत्तुओ सिद्धा में छट्ठमज्झयणं समत्तं । ★ ★ ★ तेणं कालेणं० बारवतीए नयरीए जहा पढमे नवरं वसुदेवे राया धारिणी देवी सीहो सुमिणे सारणे कुमारे पन्नासतो दातो चोद्दस पुव्वा वीसं वासा परिताओ सेस जहा गोयमस्स जाव सेत्तुञ्जे सिद्धे० । जति० उक्खेओ अट्ठमस्स, एवं खलु जंबू ! तेणं कालेणं० बारवतीए नगरीए जहा पढमे जाव अरहा अरिनेमी सामी समोसढे, तेणं कालेणं० अरहतो अरिट्ठनेमिस्स अंतेवासी छ अणगारा भायरो सहोदरा होत्था सरिसया सरित्तया सरिव्वया नीलुप्पलगुलियअयसिकुसुमप्पगासा सिरिवच्छंकियवच्छा कुसुमकुंडलभद्दलया नलकुब्बरसमाणा, तते णं ते छ अणगारा जं चेव दिवस मुंडा भवेत्ता अगाराओ अणगारियं पव्वतिया तं चेव दिवसं अरहं अरिट्ठनेमीं वंदति णमंसंति त्ता एवं व० - इच्छामो णं भंते ! तुब्भेहिं अब्भणुन्नाया समाणा जावज्जीवाए छट्टंछट्टेणं अणिक्खित्तेणं तवोकम्म संजमेणं तवसा अप्पाणं भावेमाणे विहरित्तते, अहासुहं देवाणुप्पिया ! मा पडि०, तते णं ते छ अणगारा अरहया अरिट्ठनेमिणा अब्भन्नाया समा जावज्जीवा छछट्टेणं जाव विहरंति, तते णं ते छ अणगारा अन्नया कयाई छट्ठक्खमणपारणयंसि पढमाए पोरिसीए सज्झायं करोति जहा गोयमो जाव इच्छामो छट्ठक्खमणस्स पारणाए तुब्भेहिं अब्भणुन्नाया समाणा तीहिं संघाडएहिं बारवतीए नयरीए जाव अडित्तते, अहासुहं०, तते णं ते छ अणगारा अरया अरिट्ठनेमिणा अब्भणुन्नाया समाणा अरहं अरिट्ठनेमिं वंदति णमंसंति त्ता अरहतो अरिट्टनेमिस्स अंतियात सहसंबवणातो पडिनिक्खमंति त्ता तीहिं संघाडएहिं अतुरियं जाव अडंति, तत्थ णं एगे संघाडए बारवतीए नयरीए उच्चनीयमज्झिमाई कुलाई घरसमुदाणस्स भिक्खायरियाते अडमाणे २ वसुदेवस्स रन्नो देवतीए देवीते गे अणुपविट्ठे, ततेणं सा देवती देवी ते अणगारे एज्नमाणे पासति त्ता हट्ठजावहियया आसणातो अब्भुट्ठेति त्ता सत्तट्ठ पयाइं० तिक्खुत्तो आयाहिणपयाहिणं करेति त्ता वंदति णमंसति त्ता जेणेव भत्तघरते तेणेन उवागया सीहकेरासाणं मोयगाणं थाल भरेति ते अणगारे पडिलाभेति वदति णमंसंति ता पडिविसज्जेतिं, तदाणंतरं चणं श्री आगमगुणमंजूषा ११५ LLLLLLL