Agam 03 Sthanang Gujarati Translation

Author(s): Dipratnasagar, Deepratnasagar
Publisher: Dipratnasagar, Deepratnasagar

Page 130

આગમસૂત્ર 3, અંગસૂત્ર 3, “સ્થાનાંગ’ (960) ઇચ્છાકાર, મિચ્છાકાર, તથાકાર, આવશ્યકી, નૈષધિથી, આપૃચ્છા, પ્રતિપૃચ્છા, છંદણા, નિમંત્રણા અને ઉપસંપદા, એ રીતે દશ પ્રકારે સામાચારી થાય છે. (961) શ્રમણ ભગવંત મહાવીર છદ્મસ્થકાળમાં અંતિમ રાત્રિમાં દશ મોટા સ્વપ્નો જોઈને જાગ્યા તે આ પ્રમાણે (1) એક મહાઘોર રૂપવાળા, દિપ્તધર, તાલપિશાચને સ્વપ્નમાં પરાજિત કરેલ જોઈને જાગૃત થયા. (2) એક મહાશ્વેત પાંખવાળા પુરુષ કોકીલને સ્વપ્નમાં જોઈને જાગૃત થયા. (3) એક મહાન ચિત્રવિચિત્ર પાંખવાળા પુરુષ કોકીલને સ્વપ્નમાં જોઈને જાગૃત થયા. (4) એક મહાન દામયુગલ - સર્વ રત્નમય માળાને સ્વપ્નમાં જોઈને જાગૃત થયા. (5) એક મહાન શ્વેત ગાયોનું ટોળું સ્વપ્નમાં જોઈને જાગૃત થયા. (6) એક મહાન પદ્મસરોવર, ચોતરફ ફૂલો વડે ખીલેલ એવું સ્વપ્નમાં જોઈને જાગૃત થયા. (7) એક મહાસાગર હજારો કલ્લોલની લહેરો વડે કલિત બંને ભૂજાઓથી તરેલ સ્વપ્નમાં જોઈને જાગૃત થયા. (8) એક મહા દિનકર તેજ વડે પ્રકાશમાન સ્વપ્નમાં જોઈને જાગૃત થયા. (9) એક મહા પીંગલ નીલ વૈડૂર્યમણી જેવા વર્ણ વડે સમાન માનુષોત્તર પર્વતને પોતાના આંતરડાથી સર્વતઃ સમંતાતુ આવેષ્ટિત, પરિવેષ્ટિત સ્વપ્નમાં જોઈને જાગૃત થયા. (10) મેરુ પર્વતમાં મેરુ ચૂલિકા ઉપર એક શ્રેષ્ઠ સિંહાસને બેઠેલા પોતાને સ્વપ્નમાં જોઈને જાગ્યા. (ઉક્ત દશ સ્વપ્નો જોઈને જાગૃત થયા. હવે સ્વપ્નફળ કહે છે-). (1) શ્રમણ ભગવંત મહાવીર જે એક મોટો ઘોરરૂપ, દિપ્ત તેજ તાલ-પિશાચને સ્વપ્નમાં પરાજિત કરીને જાગ્યા, તેથી શ્રમણ ભગવંત મહાવીરે મોહનીય કર્મનો મૂલથી નાશ કર્યો. (2) શ્રમણ ભગવંત મહાવીરે એક મોટા શ્વેત પાંખવાળા યાવત્ જાગૃત થયા તેથી શ્રમણ ભગવંત મહાવીર શુક્લ ધ્યાનને પ્રાપ્ત થઈ વિચરે છે. (3) શ્રમણ ભગવંત મહાવીર એક મોટા ચિત્રવિચિત્ર પાંખવાળાને યાવત્ જાગૃત થયા, તેથી શ્રમણ ભગવંત મહાવીર સ્વસમય-પરસમયરૂપ ચિત્રવિચિત્ર દ્વાદશાંગ ગણિપિટકને સામાન્યથી કહે છે, વિશેષથી કહે છે, દર્શાવે છે, નિર્દેશ છે, ઉપદેશે છે, તે આ પ્રમાણે ‘આચાર યાવત્ દષ્ટિવાદ. (4) શ્રમણ ભગવંત મહાવીર સર્વરત્નમય એક મહા દામયુગલ યાવત્ જાગૃત થયા, તેથી શ્રમણ ભગવંત મહાવીર બે પ્રકારનો ધર્મ પ્રરૂપે છે. તે આ - અગારધર્મ અને અણગારધર્મ. (5) શ્રમણ ભગવંત મહાવીર એક મોટા શ્વેત ગોવર્ગને સ્વપ્નમાં યાવતુ જાગૃત થયા, તેથી શ્રમણ ભગવંત મહાવીરનો ચાર પ્રકારનો સંઘ છે, તે આ - સાધુ, સાધ્વી, શ્રાવક, શ્રાવિકા. (6) શ્રમણ ભગવંત મહાવીર જે એક મહા પદ્મસરોવરને યાવતુ જાગૃત થયા, તેથી શ્રમણ ભગવંત મહાવીર ચાર પ્રકારના દેવોને પ્રરૂપે છે. તે - ભવનવાસી, વાણ-વ્યંતર, જ્યોતિષ્ક, વૈમાનિક. (7) શ્રમણ ભગવંત મહાવીર જે એક મોટા કલ્લોલવાળાને યાવતુ જાગૃત થયા, તેથી શ્રમણ ભગવંત મહાવીર અનાદિ અનંત દીર્ઘમાર્ગવાળા ચાતુરંત સંસાર કાંતારને તર્યા. (8) શ્રમણ ભગવંત મહાવીર જે એક મોટા સૂર્યને જોઈને જાગ્યા, તેથી શ્રમણ ભગવંત મહાવીરને અનંત, અનુત્તર યાવત્ (કેવલજ્ઞાન, કેવલદર્શન) ઉત્પન્ન થયેલ છે. (9) શ્રમણ ભગવંત મહાવીર જે એક મોટા નીલ વૈડૂર્ય યાવતુ જાગૃત થયા, તેથી શ્રમણ ભગવંત મહાવીરને દેવ-મનુષ્ય-અસુર સહિત લોકમાં ઉદાર કીર્તિ, વર્ણ, શબ્દ, શ્લાઘા વિસ્તરી રહી છે. એવી રીતે નિશ્ચયે શ્રમણ ભગવંત મહાવીર વર્તે છે. મુનિ દીપરત્નસાગર કૃત્ “સ્થાન)” આગમસૂત્ર ભાવાનુવાદ Page 130