________________
१६०
आयारचूला ३४. से भिक्खू वा भिक्खुणी वा बहुसंभूयाओ ओसहीओ पहाए एवं वएज्जा, तं
जहा-रूढा ति वा, वहुसंभूया ति वा, थिरा ति वा, असहा ति वा, गम्भिया ति वा, पसूया ति वा ससारा ति वा–एयप्पगारं भासं असावज्ज जाव
अभूतोवघाइयं अभिकख भासेज्जा ।। ३५. से भिक्ख वा भिक्खुणी वा जहा वेगइयाइं सद्दाइं सुणेज्जा, तहावि ताई णो
एवं वएज्जा, तं जहा--सुसद्दे ति वा, 'दुसद्दे ति वा —एयप्पगारं भासं सावज्ज
जाव भूतोवघाइय अभिकख णो भासेज्जा ॥ ३६. 'से भिक्खू वा भिक्खुणी वा जहा वेगइयाई सद्दाइं सुणेज्जा", ताई एवं वएज्जा,
तं जहा- सुसई सुसद्दे ति वा, 'दुसदं दुसद्दे ति वा"-एयप्पगारं भासं
असावज्जं जाव अभूतोवघाइयं अभिकख भासेज्जा ॥ ३७. एवं रूवाइं—कण्हे ति वा, गीले ति बा, लोहिए ति वा, हालिद्दे ति वा,
सुकिल्ले ति वा, गंधाइं--सुबिभगंधे ति वा, दुब्भिगंधे ति वा, रसाई--तित्ताणि वा, कडुयाणि वा, कसायाणि वा, अंबिलाणि वा,
महुराणि वा, फासाइं—कक्खडाणि वा, मउयाणि वा, गुरुयाणि वा, लहुयाणि वा,
सीयाणि वा, उसिणाणि वा, णिद्धाणि वा, रुक्खाणि वा ।। अणुवीइ पिट्ठाभासि-पदं ३८. से भिक्खू वा भिवखुणी वा वंता 'कोहं च माणं च मायं च लोभं च", अणुवीइ
णिद्वाभासी णिसम्मभासी अतुरियभासी विवेगभासी समियाए संजए भास
भासेज्जा॥ ३६. एयं खलु तस्स भिक्खुस्स वा भिक्खुणीए वा सामग्गियं, जं सव्वदेहि समिए सहिए सया जएज्जासि ।
—त्ति बेमि ॥
१. मसारा (अ, छ)। २. ४ (च, छ)। ३. X (अ, क, च, छ, ब)।
४. ४ (च, छ)। ५. कोहवयणं माणं वा ४ (क, घ, च, ब)।
Jain Education International
For Private & Personal Use Only
www.jainelibrary.org
