Aatma Dhyan

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 89

ਇੰਨਾ ਵੱਡਾ ਤੂੰ ਇੰਨਾ ਛੋਟਾ। ਇਹ ਸਭ ਝੂਠੇ ਭਰਮ ਹਨ। ਆਤਮਾ ਨਾ ਇਸਤਰੀ ਹੈ ਨਾ ਪੁਰਸ਼ ਹੈ ਨਾ ਨਪੁੰਸ਼ਕ ਹੈ। ਇਹ ਸਰੀਰ ਦੇ ਧਰਮ ਹਨ, ਅਸਲ ਵਿੱਚ ਤੁਸੀਂ ਇਹਨਾਂ ਤੋਂ ਉੱਪਰ ਹੋ।
ਆਤਮ ਸਰੂਪ ਦੀ ਪਛਾਣ ਤੋਂ ਬਾਅਦ ਹੁਣ ਅਸੀਂ ਅਪਣੇ ਪਹਿਲੇ, ਪ੍ਰਸ਼ਨ ਤੇ ਆਉਂਦੇ ਹਾਂ, ਕੀ ਸਾਡਾ ਸੁਭਾਅ ਕੀ ਹੈ। ਜਿਸ ਦਾ ਉੱਤਰ ਹੈ, ਅਸੀਂ ਆਤਮ ਤੱਤਵ ਹਾਂ, ਆਤਮ ਤੱਤਵ ਦਾ ਸੁਭਾਅ ਹੈ, ਆਨੰਦ, ਸ਼ਾਂਤੀ ਅਤੇ ਗਿਆਨ ਵਿੱਚ ਰਮਨ (ਘੁੰਮਣਾ) ਕਰਨਾ।
ਆਨੰਦ ਤੁਹਾਡਾ ਸੁਭਾਅ ਹੈ। ਆਨੰਦ ਭਾਵ ਵਿੱਚ ਸਥਿਰ ਰਹਿਣਾ ਤੁਹਾਡਾ ਧਰਮ ਹੈ। ਆਨੰਦ ਵਿੱਚ ਸਥਿਰ ਰਹਿਣਾ ਪਾਣੀ ਮਾਤਰ ਦਾ ਸੁਭਾਅ ਹੈ। ਚੇਤਨ ਤੱਤਵ ਚਾਹੇ ਜੋ ਹੋਵੇ ਉਸ ਦਾ ਸੁਭਾਅ ਆਨੰਦ ਹੈ। ਅਪਣੇ ਸੁਭਾਅ ਵਿੱਚ ਵਾਪਸ ਆਉਣ ਲਈ, ਮਨੁੱਖ ਯਤਨਸ਼ੀਲ ਹੈ। ਬ੍ਰਹਿਮੰਡ ਦੇ ਕਿਸੇ ਵੀ ਕੋਨੇ ਵਿੱਚ ਕੀ ਕੋਈ ਅਜਿਹਾ ਵਿਅਕਤੀ ਜਾਂ ਪ੍ਰਾਣੀ ਹੈ, ਜਿਸ ਨੂੰ ਆਨੰਦ ਚੰਗਾ ਨਾ ਲੱਗਦਾ ਹੋਵੇ?
| ਪ੍ਰਾਣੀ ਮਾਤਰ ਦੀ ਆਨੰਦ ਦੀ ਖੋਜ ਇਸ ਸਚਾਈ ਦਾ ਸਬੂਤ ਹੈ ਕੀ ਆਨੰਦ ਉਸ ਦਾ ਸੁਭਾਅ ਹੈ। ਇਹ ਤੱਥ ਅਲਗ ਹੈ ਕੀ ਮਨੁੱਖ ਆਨੰਦ ਨੂੰ ਪ੍ਰਾਪਤ ਕਰ ਲੈਂਦਾ ਹੈ ਜਾਂ ਨਹੀਂ ਕਰ ਪਾਉਂਦਾ ਹੈ। ਪਰ ਉਸ ਦੇ ਹਰ ਕਰਮ ਦਾ ਜੋ ਉਦੇਸ਼ ਹੈ ਉਹ ਆਨੰਦ ਨੂੰ ਪ੍ਰਾਪਤ ਕਰਨ ਦੀ ਕੋਸ਼ਿਸ਼ ਹੈ।
ਹੁਣ ਸਵਾਲ ਪੈਦਾ ਹੁੰਦਾ ਹੈ, ਕੀ ਆਨੰਦ ਸਾਡਾ ਸੁਭਾਅ ਹੈ ਅਤੇ ਉਸ ਸੁਭਾਅ ਵਿੱਚ ਵਾਪਸੀ ਲਈ ਅਸੀਂ ਨਿਰੰਤਰ ਯਤਨਸ਼ੀਲ ਵੀ ਹਾਂ, ਪਰ ਵਾਪਸ ਕਿਉਂ ਨਹੀਂ ਆ ਰਹੇ? ਉਹ ਕਿਹੜੇ ਕਾਰਨ ਹਨ ਜੋ ਸਾਨੂੰ ਅਪਣੇ ਸੁਭਾਅ ਵਿੱਚ ਵਾਪਸ ਆਉਣ ਵਿੱਚ ਰੁਕਾਵਟ ਬਣੇ ਹੋਏ ਹਨ।
ਸਵਾਲ ਮਹੱਤਵਪੂਰਨ ਹੈ, ਇਸ ਸਵਾਲ ਦਾ ਜਵਾਬ ਹੈ, ਆਨੰਦ ਨੂੰ ਪਾਉਣ ਲਈ ਸਾਡੀਆਂ ਜਿੰਨੀਆਂ ਵੀ ਕੋਸ਼ਿਸ਼ਾਂ ਹਨ ਜਿੰਨੀਆਂ ਵੀ ਮਿਹਨਤਾਂ ਹਨ, ਉਹ ਹੀ ਆਨੰਦ ਪ੍ਰਾਪਤੀ ਵਿੱਚ ਰੁਕਾਵਟਾਂ ਹਨ। ਜਿਵੇਂ ਤੁਸੀਂ ਕੋਸ਼ਿਸ਼ ਤੋਂ ਬਾਹਰ ਨਿਕਲੋਗੇ, ਸਮੁੱਚੇ ਰੂਪ ਵਿੱਚ ਬਿਨ੍ਹਾਂ ਕੋਸ਼ਿਸ਼ ਵਿੱਚ ਅਤੇ ਬਿਨ੍ਹਾਂ ਕਰਤਾ ਭਾਵ ਵਿੱਚ ਠਹਿਰ ਜਾਉਗੇ, ਉਸੇ ਵੇਲੇ ਤੁਸੀਂ ਅਪਣੇ ਸੁਭਾਅ ਨੂੰ ਪ੍ਰਾਪਤ ਕਰ
ਆਤਮ ਧਿਆਨ
77