________________
પ્રસ્તુત સઝાય ગ્રંથના રચયિતા ભગવંતને સકળ લોકના પરમ હિતની ઊંચી જે ભાવના આ શ્લોકના ઉત્તરાર્ધમાં રજૂ થઈ છે તે શ્રી જૈનશાસનની અસીમ વિશ્વોપકારિતાનું સહુને દર્શન કરાવે છે.
આ ગ્રંથનું રહસ્ય મૂર્ખ અને અયોગ્ય શ્રોતાઓને ન પીરસવાની ખાસ જે સૂચના આ ગાથાના પૂર્વાર્ધમાં છે તેના મૂળમાં પણ શ્રી જૈનશાસનની અસીમ વિશ્વોપકારિતા જ રહેલી છે.
રાજહંસ જેવા વિવેકી શ્રોતાઓને આ ગ્રંથનું રહસ્ય પીરસવાથી વક્તા અને શ્રોતા ઉભયના સમય અને શક્તિની સાર્થકતા થાય છે. '
આવા શ્રોતાઓ સારગ્રાહી દષ્ટિવાળા હોય છે.
સારગ્રાહી દષ્ટિ એટલે ગુણગ્રાહી દૃષ્ટિ અને ગુણગ્રાહી દષ્ટિવાળા આત્માઓ મિથ્યાદષ્ટિવાળા નથી હોતા. આત્મદષ્ટિથી વિપરીત એવી જડદષ્ટિવાળા નથી હોતા.
એટલે આ ગ્રંથમાંના પદાર્થોને ઝીલીને તેઓ કોઈ જીવનું તેના અવગુણોને ધ્યાનમાં લઈને અશુભ નહિ ચિંતવે યા જાહેરમાં ઘસાતું નહિ બોલે. કારણ કે આમ કરવું તે પણ મોટો એક અવગુણ છે એ તેઓની દૃષ્ટિમાં બરાબર બેસી ગયું હોય છે. - આત્મદષ્ટિવાળા યાને જેની દૃષ્ટિમાં આત્મા મુખ્ય છે એવા ભવ્ય આત્માઓ મિત્રાદષ્ટિથી પરાદષ્ટિ પર્વતની આત્મસાધનામાં દિનપ્રતિદિન આગળ વધો !
| આઠમી પરાષ્ટિની સઝાય.
..... ૧૮૯
