Aagam Manjusha 14 Uvangsuttam Mool 03 Jivajivaabhigam

Author(s): Anandsagarsuri, Sagaranandsuri
Publisher: Deepratnasagar

Page 13

5
9
0
4
वगअकम्म भूमगमणु रसणपुंसका असंखे देवकुरु उत्तरकुरुअकम्मभूमगमणुस्सणपुंसका दोषि संखे एवं जाव विदेहत्ति ईसाणे कप्पे देवपुरिसा असं० ईसाणे कप्पे देवित्थियाओ संखे० सोधम्मे कप्पे देवपुरिसा संखे० सोहम्मे कप्पे देवित्थियाओ संखेज्ज० भवणवासिदेवपुरिसा असंखे० भवणवासिदेवित्थियाओ संखिज्जगुणाओ इमीसे रयणप्पभाए पुढवीए नेरइयणपुंसका असं० खयरतिरिक्खजोणियपुरिसा संखेज्जगुणा खयरतिरिक्खजोणित्थियाओ संखे चलयरतिरिक्खजोणियपुरिसा संखे धलयरतिरिख जोणित्थियाओ संखे जलयरतिरिक्खपुरिसा संखे० जलयरतिरिक्ख जोणित्थियाउ संखे० वाणमंत देवपुरिसा संखे वाणमंतरदेवित्थियाओ संखे जोतिसियदेवपुरिसा संखे जोतिसियदेवित्थियाओ संखे खहयरपंचेंदियतिरिक्खजोणियणपुंसगा संखे० थलयरणपुंसका संखे० जलयरणपुंसका संखे० चतुरंदियणपुंसका विसेसाहिया नेइंदिय० विसेसा बेइंदिय० विसेसा० तेउक्काइयए गिंदियतिरिक्खजोणियणपुंसका असं पुढवी विसेसा० आऊ विसेसा बाऊ विसेसा वणष्फति काइयएगिदियतिरिकवणपुंसका अनंतगुणा । ६३ । इत्थीणं भंते! केवइयं कालं ठिती पं० १. गो० ! एगेणं आएसेणं जहां पुत्रिं भणियं एवं पुरिसस्सवि नपुंसकस्सवि, संचिट्टणा पुनरवि तिष्हंपि जहा पुव्विं भणिया, अंतरं निषि जहा पुब्विं भणियं । ६४ । तिरिक्खजोणित्थियाओ तिरिक्खजोगियपुरिसेहिंतो तिगुणाउ तिरूवाधियाओ मणुस्सित्थियाओ मणुस्सपुरिसेहिंतो सत्तावीसतिगुणाओ सत्तावीसहरू वाहियाओ देवित्थियाओ देवपुरिसेहितो बत्तीसहगुणाओ बत्तीसइरूवाहियाओ, सेत्तं तिविधा संसारसमावण्णगा जीवा पण्णत्ता 'तिविहेसु होइ भेयो लिई यं संचिट्ठणंतरऽप्पबहुं । वेदाण य बंधठिई वेओ तह किंपगारी उ ॥ ५ ॥ ६५॥ तिविहपडिवती समत्ता २ || ॐ * ॐ तत्थ जे ते एवमाहंसु चउविधा संसारसमावण्णगा जीवा पं० ते एवमाहंसु तं० नेरइया तिरिक्खजोणिया मणुस्सा देवा । ६६ से किं तं नेरइया?, २ सत्तविधा पं० तं०-पढमपु ढवीनेरइया दोषपुढवीने० तचपुढवीने चउत्थपुढवीने पंचमपु० पु० सत्तमपुढवीनेरइया ६७ पदमा णं भंते! पुढवी किंनामा किंगोता पं० १. गो० ! णामेणं धम्मा गोत्तेनं रवणप्पभा, दोबा णं भंते! पुढवी किंनामा किंगोत्ता पं० १. गो० णामेणं वंसा गोत्तेणं सकरप्पभा, एवं एतेणं अभिलावेणं सतासि पुच्छा, णामाणि इमाणि सेला तथा अंजणा चउत्थी रिट्ठा पंचमी मघा छुट्टी माघवती सत्तमी जाव तमतमा गोत्तेणं पं० (घम्मा वंसा सेला अंजण रिट्ठा मघा य माघवती सत्तण्हं पुढवीणं एए नामा उ नायवा ॥ १ ॥ रयणा सक्कर वालय पंका घूमा तमा य तमतमा य सत्तण्हं पुढवीणं एए गोता मुणेया ॥ २ ॥ पा० ) । ६८ । इमाणं भंते! स्यणप्पभापुढवी केवतिया बाहणं पं० १, गो० ! इमा णं स्यणप्पभापुढवी असिउत्तरं जोयणसयसहस्सं वाहणं पं० एवं एतेणं अभिलावेणं इमा गाहा अणुगंतवा * आसीत बत्तीसं अट्ठावीसं तहेब वीसं च अट्ठारस सोलसगं अनुत्तरमेव हिडिमिया ॥ ६ ॥ ६९ । इमा णं भंते! रयणप्पभापुढवी कतिविधा पं०१, गो० तिविहा पं० तं० खरकंडे पंकबहुलकंडे आवहुलकंडे, इमीसे णं भंते! र० पुढ० खरकंडे कतिविधे पं० १, गो० सोलसविधे पं० तं० रयणकंडे वइरे वेरुलिए लोहितक्खे मसारगले हंसगन्भे पुलए सोयंधिए जोतिरसे अंजणे १० अंजणपुलए रयते जातरुत्रे अंके फलिहे रिट्ठे १६ कंडे, इमीसे णं भंते! रयणप्पभापुढवीए रयणकंडे कतिविधे पं० १, गो० ! एगागारे पं० एवं जाव रिद्वे, इमीसे णं भंते! रयणप्पभापुढवीए पंकबहुले कंडे कतिविधे पं० १, गो०! एकागारे पं० एवं आवबहुले कंडे कतिविधे पं०१, गो०! एकागारे पं०, सकरप्पभा णं भंते! पुढवी कतिविधा पं० १, गो०! एकागारा पं० एवं जाव आहेसत्तमा ७० इमीसे णं भंते! रयणप्पभाए पुढवीए केवइया निरयावाससयसहस्सा पं० १. गो० ! तीसं णिरयावाससयसहस्सा पं० एवं एतेणं अभिलावेणं सवासिं पुच्छा, इमा गाहा अणुगंतवा तीसा य पण्णवीसा पण्णरस दसेव तिष्णि य हवंति पंचूणसयसहस् पंचेव अणुत्तरा णरगा ॥ ७ ॥ जाब आहेसत्तमाए पंच अणुत्तरा महतिमहालया णिरया पं० तं० काले महाकाले रोस्ए महारोरुए अपतिद्वाणे । ७१ । अस्थि णं भंते! इमीसे रयणप्पभाए पुढवीए अहे घणोदधीति वा घणवातेति वा तणुवातेति वा ओवासंतरेति वा?, हंता अस्थि एवं जाव आहे सत्तमाए । ७२ । इमीसे णं भंते! रयणप्पभाए पुढवीए खरकंडे केवतियं वाहणं पं० १, गो० ! सोलस जोयणसहस्साई बाहले पं० इमीसे णं भंते! रयणप्पभाए पुढवीए रयणकंडे केवतियं बाहणं पं० १. गो० एक्कं जोयणसहस्सं बाहलेणं पं० एवं जाव रिद्वे, इमीसे णं भंते! स्य० पु० पंकबहुले कंडे केवलियं चाह डणं पं० १. गो० ! चतुरसीतिजोयणसहस्साई बाहडेणं पं०, इमीसे णं भंते! रय० आउबहुले कंडे केवतियं वाहणं पं० १. गो० असीतिजोयणसहस्साई बाहणं पं०, इमीसे णं भंते स्रवणप्पभाए घणोदही केवतियं वाहणं पं०१, गो० ! बीसं जोयणसहस्साई बाइलेणं पं० इमीसे णं भंते! रय० घणवाए केवतियं बाहलेणं पं० १. गो० ! असंखेजाई जोयणसहस्साई बाहलेणं पं० एवं तणुवातेऽचि ओवासंतरेऽवि, सकरप्प० भंते! घणोदही केवतियं बाहणं पं० १, गो० ! वीसं जोयणसहस्साई बाहलेणं पं०, सकरप्प० घणवाते केवतियं बाहलेणं पं० १. गो० ! असंखेजाई जोयणसहस्साई बाहणं पं० एवं तणुवातेवि ओवासंतरेवि, जहा सकरप्पभा एवं जाव अधेसत्तमा । ७३ । इमीसे णं भंते! रयणप्पभाए असी उत्तरजोयणसयसहस्सा हडाए खेत्तच्छेएवं छिनमाणीए अत्थि दव्वाई वण्णतो कालनीललोहितहा लिकिडाई गंधतो सुरभिदुभिगंधाई रसतो वित्तकडुयकसाय अंबिलमहुराई फासतो कक्खडमउयगरुयलसी उसिद्धिलुक्खाई संठाणतो परिमंडलबतंसचउरंस आययसंठाणपरिणयाई अन्नमन्नबदाई अण्णमण्णपुट्ठाई अण्णमण्णओगाढाई अण्णमण्णसिणेहपडिबदाई अण्णमण्णघडत्ताए चिद्वति?, हंता अस्थि, इमीसे णं भंते! रयणप्पभाए पु० खरकंडस्स सोलसजोयणसहस्साहस खेतच्छेएणं छिनमाणस्स अस्थि दव्वाइं वण्णओ काल जाव परिणयाई ?, हंता अस्थि, इमीसे णं स्यणप्प० रयणनामगस्स कंडस्स जोयणसहस्सबाह्यस्स खेतच्छेएणं तं चैव जाव हंता अस्थि एवं जाब रिट्ठस्स, इमीसे ६११ जीवाजीवाभिगमः, पडिवति-३
मुनि दीपरत्नसागर