Yogsara

Author(s): Yogindudev
Publisher: Shrimad Rajchandra Adhyatmik Satsang Sadhna Kendra

Page 8

તેમજ રાગાદિના વિકલ્પરહિત હોવાથી સ્વયમેવ “સાર' અર્થાત ઉત્તમ છે.
જિજ્ઞાસુ ભવ્યાત્માએ અધ્યાત્મથી રસબસતા આ નિશ્ચયનયપ્રધાન મંથના અધ્યયન દરમ્યાન પરમકૃપાળુદેવ શ્રીમદ્ રાજચંદ્રજીનાં નિમ્નલિખિત અમૃત વચનો દીવાદાંડીરૂપ બનાવવા યોગ્ય છે :
“સર્વ જીવને હિતકારી એવી જ્ઞાની પુરુષની વાણીને કંઈ પણ એકાંત દષ્ટિ ગ્રહણ કરીને અહિતકારી અર્થમાં ઉતારવી નહીં. એ ઉપયોગ નિરંતર સ્મરણમાં રાખવા યોગ્ય છે. (પત્રાંક-૭૭૨).
જેમ જેમ જીવમાં ત્યાગ, વૈરાગ્ય અને આશ્રયભક્તિનું બળ વધે છે, તેમ તેમ સપુરુષનાં વચનનું અપૂર્વ અને અદ્ભુત સ્વરૂપ ભાસે છે; અને બંધનિવૃત્તિના ઉપાયો સહજમાં સિદ્ધ થાય છે.” (પત્રાંક-૪૯૭).
પ્રસ્તુત ગ્રંથના મુદ્રણ-ઉપક્રમ અર્થે શ્રી પરમશ્રુત પ્રભાવક મંડળ, અગાસ તથા શ્રી વીતરાગ સત્ સાહિત્ય પ્રસારક ટ્રસ્ટ - ભાવનગર દ્વારા પ્રકાશિત “યોગસાર'નો આધાર લેવામાં આવ્યો છે. તે માટે પ્રકાશક સંસ્થાઓના ઉપકારનો સ્વીકાર કરીએ છીએ. આ ગ્રંથ પ્રગટ કરવાના સત્કાર્યમાં અનેક મુમુક્ષુઓએ ભક્તિસભર યોગદાન આપ્યું છે, પરંતુ જેમના ઉલ્લસિત પરિશ્રમ વિના આ કાર્યને સુંદર, સુઘડ અને આકર્ષક સ્વરૂપ સાંપડ્યું ન હોત, તે શ્રીમતી સ્મિતાબેન અતુલભાઈ કોઠારીનો તેમજ શ્રી પ્રમેશભાઈ શાહનો અત્રે અંતઃકરણપૂર્વક આભાર માનીએ છીએ.
નિજ પરમાત્મપદની પ્રાપ્તિનો પંથ સમ્યકપણે પ્રકાશનાર આ ગ્રંથનું ભાવપૂર્વક અધ્યયન તથા તજ્જન્ય બોધની સૂક્ષ્મ વિચારણા કરવાથી વસ્તુસ્વરૂપનો નિર્ણય, શુદ્ધાત્માની રુચિ, સપુરુષાર્થની વૃદ્ધિ અને આત્મશાંતિનો લાભ થશે. જ્ઞાની