Yogsara

Author(s): Yogindudev
Publisher: Shrimad Rajchandra Adhyatmik Satsang Sadhna Kendra

Page 7

અનુભવપ્રકાશ' આદિ અનેક સત્કતિઓનો આધાર લઈ, વ્યવહારનિશ્ચયની સંધિરૂપ, અતીન્દ્રિય નિજ સુખની પ્રાપ્તિના માર્ગનો સુંદર ક્રમ જિજ્ઞાસુ ભવ્યાત્માઓ માટે વિશેષપણે અનાવૃત કર્યો છે. આ વિષમ ભૌતિક યુગમાં ભક્તિ, વૈરાગ્ય અને જ્ઞાનની પ્રભાવના તે પ.પૂ. શ્રી રાકેશભાઈની નિષ્કારણ કરુણાની નિષ્પત્તિ છે.
પરમકૃપાળુદેવે પત્રાંક ૭૯૯માં ફરમાવ્યું છે, “જે મુમુક્ષુઓ સત્સમાગમ, સદાચાર અને સશાસ્ત્રવિચારરૂપ અવલંબનમાં દઢ નિવાસ કરે છે, તેને સર્વોત્કૃષ્ટ ભૂમિકાપર્યત પહોંચવું કઠણ નથી; કઠણ છતાં પણ કઠણ નથી. આ શિક્ષાનું અનુસરણ કરવા અર્થે, ઉપરોક્ત મંગળ પરંપરાને અનુલક્ષીને આ વર્ષે શ્રીમદ્ યોગીન્દુદેવવિરચિત શ્રી યોગસાર' ગ્રંથ ઉપર સ્વરૂપરુચિસંવર્ધક સત્સંગમાળાનું આયોજન કરવામાં આવ્યું છે.
મહાન અધ્યાત્મયોગી શ્રી યોગીન્દુદેવ વિરક્તચિત્ત દિગંબર આચાર્ય હતા. પરમાત્મપ્રકાશ' તથા યોગસાર' આ બે તેમની પ્રધાન કૃતિઓ છે. સુગમ પ્રાકૃત ભાષામાં રચાયેલ આ અધ્યાત્મગ્રંથોની લેખનશૈલી ચિત્તાકર્ષક છે. શ્રી યોગીન્દુદેવ ઈ.સ.ની છઠ્ઠી શતાબ્દીમાં થયા હોવાનું માનવામાં આવે છે. તે સિવાય તેમનાં સ્થળ-કાળાદિ વિષે કોઈ માહિતી ઉપલબ્ધ નથી.
અગાધ એવા અધ્યાત્મસાગરને યોગસારરૂપ ગાગરમાં સમાવનાર શ્રી યોગીન્દુદેવે પ્રસ્તુત ગ્રંથમાં સંસારથી ભયભીત થયેલ આત્માને મુક્તિનો રાહ ચીંધવા તથા પાઠકને તે રાહ પર અવિરત પ્રયાણ કરવાનું અતુલ બળ સાંપડે તે અર્થે વિવિધ પારમાર્થિક વિષયોને સુંદર રીતે વણી લીધા છે. “યોગસાર' = યોગ + સાર. અહીં યોગ'નો અર્થ છે જોડાણ. આત્માનું પોતાના ત્રિકાળી શુદ્ધ જ્ઞાયક સ્વરૂપ સાથે પોતાની સમ્યગ્દર્શન-જ્ઞાનચારિત્રરૂપ નિર્મળ પરિણતિ વડે જોડાણ' થવું, તેનું નામ છે યોગ. સમ્યગ્દર્શન-જ્ઞાન-ચારિત્રની એકતારૂપ આ યોગ વિપરીતતા