________________
વૈરાગ્યરસના ઉદ્ગાતા શ્રી સિદ્ધર્ષિમહારાજ
ગણિ ધર્મકીર્તિવિજયજી श्रीसिद्धर्षिप्रभोः पान्तु वाचः परिपचेलिमाः । अनाद्यविद्यासंस्कारा यदुपास्तेभिदेलिमाः ॥
આ લોકોત્તર શાસન આત્મકલ્યાણનું શાસન છે. આ શાસનમાં આત્મકલ્યાણ સિવાયની કોઈ વાતને સ્થાન નથી, કોઈ જ વાતનું મૂલ્ય પણ નથી. મારા પરમાત્માએ પ્રત્યેક જીવને લક્ષ્યમાં રાખીને અનેકવિધ આત્મલક્ષી અનુષ્ઠાનો બતાવ્યાં છે. જેની જેવી રુચિ, જેવી જેવી ભૂમિકા – તેને અનુરૂપ અનુષ્ઠાનો બતાવ્યાં છે.
જે ક્રિયા કરતાં દોષોની શિથિલતા દ્વારા ચિત્તની શુદ્ધિ અને ગુણોની વૃદ્ધિ દ્વારા ચિત્તની પુષ્ટિ થાય તે પ્રત્યેક ક્રિયા અનુષ્ઠાન બની જાય.
