Tu Rangai Jane Rangma 07

Author(s): Purnanand Prakashan
Publisher: Purnanand Prakashan

Page 7

41 4 43 tab
પ્રભુ દર્શનની તાકાત
માંડવગઢના મહામંત્રી પેથડશા ચુસ્ત જૈન ધર્મી હતા. તેમને સુવર્ણ સિદ્ધિની વિધિ કોઈ પાસેથી મળી આવી. અમુક મંત્ર જાપ અને વિશિષ્ટ વનસ્પતિઓના રસના સહારે સોનું બનાવી શકાય. એકવાર આબુના પહાડ ઉપર પેથડશા સુવર્ણસિદ્ધિ રસનો પ્રયોગ અજમાવવા ગયા... પહાડના જંગલની ગીચ ઝાડીઓ વચ્ચે અનેક દિવસો સુધી રહ્યા. લક્ષ્યની સફળતા માટે નિર્ધારપૂર્વક મંત્ર-જાપ કરવા લાગ્યા. અનેક અમૂલ્ય વનસ્પતિઓમાંથી રસ કાઢવાનું કાર્ય પણ આગળ વધાર્યું અને વિવિધ પ્રયોગો કરતા રહ્યાં, પરિણામે પુણ્યયોગે એક રંગીન નવલી ઉષાએ સુવર્ણસિદ્ધિની અમોઘ સફળતા પ્રાપ્ત કરી લીધી..
તેમના મનમાં લક્ષ્ય સિદ્ધિના આનંદનો સાગર હિલોળા મારવા લાગ્યો. પુનઃ પોતાના નગર તરફ પાછા ફરતાં યાદ આવ્યું કે અહીં પહાડ ઉપર વિમલશાએ કલાત્મક જિનમંદિર બંધાવ્યું છે. તેથી દર્શન કરી પછી આગળ જવાનું નક્કી કર્યું સોનાની લગડીઓથી ખીચોખીચ ભરેલી તીવ્રવેગી સાંઢણી ઊભી રાખી પોતે દાદાના દરબારમાં દર્શન કરવા
આવ્યા.
જિનાલયમાં પ્રવેશ કરતાં જ વીતરાગદેવની શાંત... પ્રશાંત મુદ્રા જોઈ અનહદ આનંદમાં ઝૂમી ઊઠ્યા... અને ભક્તિમાં લીન બની જઈ વિચારમંથનમાં ખોવાઈ ગયા.....૨..૨... મેં આ શું ક્યું ? હે ત્રિલોકનાથ ! જગતના અનંત જીવોને તે બચાવ્યા... સર્વ જીવરક્ષાનું મહાભિયાન આદર્યું. . . જગતના સર્વ જીવોને બચાવવાનો તેં મહાન સંદેશ આપ્યો...અને..મેં...આ શું કર્યું ? પુણ્ય યોગે અખૂટ સંપત્તિ મળી હોવા છતાં મારા મનના સંતોષ માટે અનંતા વનસ્પતિ કાયના જીવોનો ખુરદો બોલાવી દીધો (અમુક અનંતકાય વનસ્પતિ આ પ્રયોગમાં વપરાય) સુવર્ણસિદ્ધિના પ્રયોગ માટે કેટલીયે વનસ્પતિઓનો કચ્ચરઘાણ કાઢી નાખ્યો ...! હે પ્રભુ... !!! તે સમયે તું મારા અંતરમાં હાજર નહીં હોય... અન્યથા આવું કેમ બને ? મેં મારા સ્વાર્થ ખાતર કેટલા જીવોનો કચ્ચરઘાણ કાઢી નાખ્યો... ! અનેક દિવસો સુધી કરેલી વનસ્પતિ વગેરેની વિરાધના નજર સામે તરવરવા લાગી. પાપને પાપ તરીકે સ્વીકારે અને પાપ છોડવાની તૈયારી હોય તે પ્રભુભક્ત કહેવાય. પેથડશાનું હૈયું ઊકળી ઊઠ્યું છે - ત્રસ્ત છે. ત્યાં જ પ્રતિજ્ઞા કરે છે કે હે મારા નાથ તારી સમક્ષ પ્રતિજ્ઞા કરું છું કે સુવર્ણસિદ્ધિનો પ્રયોગ બીજી વખત નહીં કરું. તેમજ આ પ્રયોગ મારા પરિવારના કોઈ પણ સદસ્યને શીખવાડીશ નહિ. વારસામાં પણ નહિ આપું. અન્યથા તેઓ પણ વનસ્પતિકાયના અનંત જીવોના ભોગે આસક્તિમાં લપટાઈ જાય તો ?
હે દેવ ! જેટલું સુવર્ણ મેં સુવર્ણ સિદ્ધિથી પ્રાપ્ત કરેલ છે તે તમામ સાતક્ષેત્રમાં વાપી દઈશ. મારા સંસારનાં કાર્યોમાં તે સોનું ભૂલચૂકે પણ નહીં વાપરું. પ્રતિજ્ઞા કરી હૃદય શાંત કરી પોતે માંડવગઢ પહોંચ્યા. શાસનનાં અનેક કાર્યો કર્યા. જો મહામન્ત્રી પેથડશા જિનમંદિર દર્શન કરવા ન ગયા હોત તો ! આવો અદમ્ય શુભ ભાવ તેમને થાત ખરો ? આ છે પ્રભુ દર્શનની તાકાત... બાળકો :
૧. પ્રભુભક્તિની લીનતામાં જ પ્રભુનાં સાચાં દર્શન થાય છે. તમો પણ પ્રભુદર્શન કરતાં લીન-તલ્લીન બની જશો.
૨. વનસ્પતિ, પાણી, પૃથ્વી વગેરેમાં પણ જીવો છે તે સમજીને વિરાધનાથી બચશો. (બંગલા-બગીચામાં લોન ઉપર ન ચલાય.)
૩. સંપત્તિ-વૈભવ મળે છે પુણ્યથી પણ તેમાં આસક્તિ-મમત્વ થાય તો પાપકર્મ બંધાય અને દુર્ગતિ થાય. મોટા થઈ ક્યાંય આસક્તિ ન કરતા.