________________
అము, కుంకుమ పువుకు ముందు పుత్రులు తపులులులులులుడు ఎడతలు పడతలుడపుడు ముడతలు
ક બુદ્ધિનો બેતાજ બાદશાહ * સિદ્ધરાજ બહુ જ નાની ઉંમરના હતા અને પિતા કર્ણદેવે સંસારમાંથી વિદાય લીધી હતી. પતિના અવસાનથી મીનળદેવી ખૂબ જ દુ:ખી થઈ ગયાં. માતા મીનળદેવીને હવે આંખ સામે એક જ આશામિનારો હતો "નાનકડો સિદ્ધારાજ" પુત્રનાં લક્ષણ પારણે એ કહેવત અનુસાર મીનળદેવી સિદ્ધરાજના મહાન વ્યક્તિત્વને પારણામાંથી જ પારખી ગયા હતા. સિદ્ધરાજ ધીરે ધીરે મોટો થતો હતો. બુદ્ધિ કદી કોઈની કેદમાં સાંપડતી નથી. તે બુદ્ધિનાં અનેક પરાક્રમો કરવા લાગ્યો. તેનું મૂળ નામ તો "જયસિંહ" હતું પરંતુ અને સિદ્ધ વ્યક્તિઓને અને બુદ્ધિશાળી વ્યક્તિઓને પોતાના નાનકડા ભેજાથી હરાવી પોતે સિદ્ધરાજ"બનેલ.
બાર-તેર વર્ષનો થતાં જ ચોમેર સિદ્ધરાજની બુદ્ધિ પ્રતિભાનાં કિરણો ફેલાવા લાગ્યાં. છેક દિલ્હીના રાજદરબાર સુધી વાત પહોંચી. દિલ્હીના બાદશાહની ભરસભામાં કોઈએ સિદ્ધરાજની બુદ્ધિના ખૂબ જ વખાણ કર્યા... આ સંભળી બાદશાહને થયું કે "બાળ સિદ્ધરાજને મારા દરબારમાં તેડાવવો પડશે અને અહીં આવશે એટલે એની બુદ્ધિનું પારખું થઈ જશે."
એક દિવસ...બાદશાહે મીનળદેવીને પત્ર મોકલ્યો."સિદ્ધરાજ હવે મોટો થઈ ગયો હશે. તેને જોવાની મારી ઇચ્છા છે... તો જલદી તેને દિલ્હી મોકલો તેને સારી રીતે સાચવીને પાછો મોકલી આપીશું." બાદશાહનો પત્ર લઈને માણસ ગુજરાત આવી ગયો. આદરભાવપૂર્વક પત્ર આપ્યો. મીનળદેવીએ સંદેશો વાંચ્યો અને ચિંતામાં મુકાઈ ગયાં... સામે મુસ્લિમ બાદશાહ અને કંઈ દાવપેચ કે રાજરમત રમાય તો ? સિદ્ધરાજનું કંઈ અમંગળ થાય તો?
જો સિદ્ધરાજને ન મોકલે અને બાદશાહની ખફામરજી ઊતરે તો વગર લેવાદેવાએ સમગ્ર ગુજરાત ઉપર આફત આવે તેથી મીનળદેવી ચિંતામાં છે. ઉદાસ માતાને જોઈ સિદ્ધરાજે પૂછયુ. "માતાજી ! શું છે ? ઉદાસ કેમ ? " મીનળદેવીએ દિલ્હીના બાદશાહનો આવેલો સંદેશો સિદ્ધરાજને વંચાવ્યો. સિદ્ધરાજે તુરત કહ્યું, "માતાજી ! તમે ચિંતા ન કરો અને આપ મને રજા આપો. અત્યારે જ દિલ્હીના દરબારમાં જઈને ઊભો રહું. પરાક્રમી સિદ્ધરાજ સમજતો હતો, આવેલી તક જવા ન દેવાય. સિદ્ધરાજની હિંમત અને નીડરતાં જોઈ મીનળદેવી ખુશ થયાં. બીજા જ દિવસે વિશ્વાસુ સામંતો સાથે સિદ્ધરાજને દિલ્હી રવાના કર્યો. માતૃભક્ત સિદ્ધરાજે પણ માતાના ચરણોમાં પડી આશીર્વાદ લઈ પ્રયાણ કર્યું. બાદશાહને ગુપ્તચરો દ્વારા સમાચાર મળી ગયા કે સિદ્ધરાજ દિલ્હી આવી રહ્યો છે.
થોડા દિવસોમાં જ સિદ્ધરાજ દિલ્હીના દરબારમાં પહોંચી ગયો. સિદ્ધરાજ આજે આવવાના છે તે સમાચાર મળતાં જ દિલ્હીનો દરબાર હકડેઠઠ જામી ગયો. તમાશાને તેડું ન હોય. બાદશાહ શું કરશે તે જોવા સહુ ભેગા થયા અને દરેકની પ્રતીક્ષા વચ્ચે ચૌદ વર્ષનો કુમાર સિદ્ધરાજે પોતાની આગવી અદાથી સભામાં પ્રવેશ કર્યો. બાદશાહને હાથ જોડીને પ્રણામ કર્યા. બાદશાહે તેની બુદ્ધિની પરીક્ષા માટે એ તક ઝડપી લીધી. જેવા સિદ્ધરાજ નમસ્કાર કરી ઊંચો થવા ગયો કે બાદશાહે બંન્ને કાંડેથી મજબૂત પકડી લીધો અને કહ્યું કે "બોલ સિદ્ધરાજ મેં તને મજબૂત પકડી લીધો છે. હવે તું શું કરીશ?" અને સિદ્ધરાજે કહ્યું કે" હાંપનાહ! હવે તો હું ધારું તે કરી શકીશ. કારણ લગ્ન સમયે સ્ત્રીનો એક હાથ પકડ્યો હોય છે છતાં સમગ્ર જીવનની જવાબદારી આવી જાય છે. જ્યારે તમે તો મારો એક હાથ નહીં. પરંતુ બંને હાથ પકડી લીધા છે હવે મારી સંપૂર્ણ જવાબદારી હાથ પકડનારની છે. હવે મને શી ચિંતા હોય? મારી બધી જ જવાબદારી દિલ્હીના નાથ આપે લઈ લીધી છે પછી મને કોઈનો ડર નથી."
સિદ્ધરાજનો તત્કાળ આવો સચોટ અને નીડર જવાબ સાંભળી બાદશાહ આશ્ચર્ય સાથે રાજી રાજી થઈ ગયા, અને ભરસભામાં બાદશાહે સિદ્ધરાજને ઊંચકીને પોતાના ખોળામાં બેસાડી દીધો અને ખૂબ જ માન-પાન સાથે સિદ્ધરાજને પોતાની પાસે રાખ્યો. થોડા દિવસ પછી બાદશાહી વિદાય સાથે સિદ્ધરાજ માતા પાસે આવી પહોંચ્યો ને માતાના ચરણોમાં ઝૂકી પડ્યો. મીનળદેવીને પોતાના પુત્રનું બુદ્ધિનું પરાક્રમ સાંભળી ખૂબ જ આનંદ થયો. બાળકો : ૧. બુદ્ધિને ઉંમર સાથે કાંઈ લેવાદેવા નથી. તમે પણ નાની ઉંમરથી બુદ્ધિનું પરાક્રમ કરશો.
૨. જીવન વિકાસ માટે નીડરતા, સાહસિકતાના ગુણો આવશ્યક છે. ૩. પરાક્રમના કે શુભ કામો કરવા માટે તમે ક્યારેક જ આવતી હોય છે તેને શીઘ્રતાથી પકડી લેવી જોઈએ.
(ဇာတကတကကကကကက ကကြအ@nninအကorတတတတတတတတဏလာတတ တတတတတတတ
