Tirthmalastava

Author(s): Shilchandrasuri
Publisher: ZZ_Anusandhan

Page 9

June-2006
अट्ठावयगिरिराए पणमेमि थुणेमि तह य झाएमि । धम्मधुर धरणउसभं उसभं पणमंतसुरवसभं ॥४२॥ अजिआइणो वि सेसे वरअइसेसे जिणे उ तेवीसं । तह सासयचउनामा सोलस पडिमाउ थूभेसुं ॥४३॥ उसभस्स समोसरणा पयपंकयअंकणा उ सिवगमणा । तवलद्धीरोहगसिद्धीउ अ अट्ठावयम्मि थुणे ॥४४॥ सुर-असुर-खयर-नरवर-सुरिंदवंदिज्जमाणजिणभवणं । अट्ठावयगिरितित्थं नंदउ जा वीरजिणतित्थं ॥४५॥ जायवकुलसिरितिलओ नेमी वयगहण-नाण-निव्वाणे । जउ (जहिं ?) पत्तो सो नंदउ, उज्जंतो तिगुणमिह तित्थं ॥४६।। तं रेवयगिरितित्थं तिलोअसारं तिलोअजणमहि । ठाणे तिलोअतिलए तिलोअपहु नेमि जह पत्तो ॥४७॥ रेवयगिरिम्मि भवजलहि-पोअभूअम्मि नेमिनिज्जामो । दुहिअं दुत्थिअवग्गं सग्गपवग्गं लहुं नेइ ॥४८॥ सेले दसण्णकूडे दसण्णभद्दस्स गव्वहरणट्ठा । सक्को देवाहिवर्ह निअइड्ढेि दसए एवं ॥४९॥ चउसट्ठिकरिसहस्सा.... चउसट्ठि अट्ठमुहजुत्ता । पइमुह दंता अट्ठय पइदंतं अट्ठ वावीओ ॥५०॥ पइवावि अट्ठ कमला, पइकमलं लक्खपत्त पइपत्तं । बत्तीसविहं नाड़य, पइकण्णिअ रयणपासाओ ॥५१॥ पइपासायं अट्ठ उ, भद्दासणगाई रयणचित्ताई । सिंहासणमेगेगं सपायपीढं रयणमयचित्तं ॥५२।। पइसिंहासणमिंदो पइभद्दासणगमग्गमहिसीओ । इअ तिपयाहिणपुव्वं गयअग्गपयाणि भुवि दो वि ।।५३।। पडिबिंबिअट्ठो सक्को वंदइ वीरं तओ दसनभद्दो । विम्हिअमणसो हरिचु(थु)यणेण विलईउ पव्वइओ ॥५४॥ . तो सुरवइ मुणिचलणे खामिअ उववूहिउं दिवं पत्तो । गयअग्गपओ एवं जाओ तह थुणह वीरजिणं ॥५५॥