Tirthmalastava

Author(s): Shilchandrasuri
Publisher: ZZ_Anusandhan

Page 8

अनुसन्धान ३६
वणचेइअ संखगुणे जोईसिएसुं तओ विमाणेसु । तेवीसाहिअ सहसा, सगनवई लक्ख चुलसीई ॥२८॥ सुरठाणेसु अ सवर्हि, सभपणगे सट्टि होइ पडिमाणं । चेइअमज्झेऽट्ठसयं, चेइअदारेसु बारसगं ।।२९।। मिलिअं सयं असीअं चउवीससयं तु नंदिसरदीवे । पइचेइअ सेसेसु वीससयं पडिम तिरिलोए ॥३०॥ भवणवईभवणेसुं कप्पाइविमाण तह महीवलए । सासयपडिमा पनरस कोडिसय बिचत्त कोडीओ ॥३१॥ पणपन्न लक्ख पणवीस सहसा पंच सया उ चालीसा । तह वण-जोइ सुरेसु सासयपडिमा 'पुण असंखा ॥३२॥ उसभा चंदाणण-वद्धमाण तहय सिरिवारिसेणा य । सव्वा सासयपडिमा पुण पुणरवि एअ चउनामा ॥३३॥ जंबू धायइ पुक्खर-दीवे विजयाण सत्तरिसयम्मि । भविए भुवि बोहंते विहरते जुगवमरिहते ॥३४॥ नमिमो उक्कोसपए सतरिसय तह जहन्नओ वीसं । कणग-कलहोअ-विद्दुम-मरगय-घण-रिट्ठरयणनिहे ॥३५।। जंबुद्दीवे धायइ-संडे तह चेव पुक्खरद्धे अ । सीमंधर जुगमंधर-बाहु सुबाहू सुजाओ अ ॥३६|| छट्ठो सयंपहपहु उसभाणण तह अणंतविरिओ अ । सूरप्पहो विसालो वज्जधरो तह य गारसमो ।।३७।। चंदाणणो स सिरिचंदबाहुदेवो भुजंग ईसरओ । नेमिपह वीरसेणो महभद्दो देवजससामी ॥३८।। सिरिअजिअवीरिअजिणो इअ एए संपयं विहरमाणे । वंदे वीस जिणिंदे तिहुअणवंदे सुकयकंदे ॥३९॥ इअ तीअमणागयवट्टमाणया सासया य विहरंता । थुणिआ जिणिदचंदा पयपंकयपणयमाहिंदा ॥४०॥ अट्ठावयमुज्जिते गयअंग्गपए अ धम्मचक्के अ । पॉस रहावत्तर्णयं चमरूँप्पायं च वंदामि ॥४१॥