Stotra Chintamanistatha Prakrit Stotra Prakash

Author(s): Vijaypadmasuri
Publisher: Jain Granth Prakashak Sabha

Page 337

३१४
श्री विजयपद्मसूरिविरचितः
चक्की गिण्होअ मुया-छट्ठहमदसमपमुहतवरसिओ ॥ तुच्छाहारविहाणा-पारणए सत्तगयपीडा ॥ ३५॥ संजाया मुणिदेहे-खिण्णो तहवि न मुणीसरो चरणे॥ विहिया संसा हरिणा-दो देवा विज्जरूवेणं ॥३६॥ आरुग्गविहाणटुं-समागया मुणिवरं भणीअत्ति ॥ जइ तुम्हाणं कंखा-अगयं कुणमो तया अम्हे ॥३७॥ मज्झं नत्थि समीहा-एवं भासीअ लद्धिसंपण्णो ॥ दव्वगयावहसत्ती-तुम्हाणं भावगयनासा ॥ ३८ ॥ जइ सत्ती कुणह तया-एसा कंखा कहंति ते देवा ॥ अम्हाणं णो सत्ती-भावामयनासिणी भंते ! ॥३९॥ भूरिपसंसं किच्चा-जाणाविअ तच्चभावतत्तत्थं ।। सटाणं संपत्तो-लक्खवरिसपालिअसुदिरको ॥४०॥ सग्गे सणंकुमारे-रायरिसीसरसणंकुमारमुणी ॥ दिव्वमहिड्डियदेवो-तवप्पहावेण संजाओ ॥ ४१ ॥ तवसा लद्धिप्पयरो-एवं कहिओ मुणीसदिटुंता ॥ आवस्सयणिज्जुत्ती-पडिवायइ सोहगत्ति तवो ॥४२॥ भव्वखमामकडिओ-वरधिइहत्थो पसत्यमणकीलो ॥ मुहतवभावघरट्टो-चूरइ दुकम्मधण्णाइं ॥ ४३ ॥