Shastra Sandesh Mala Part 14

Author(s): Vinayrakshitvijay
Publisher: Shastra Sandesh Mala

Page 10

॥आराहणापडागा // सम्मं नरिंद-देविंदवंदियं वंदिउं जिणं वीरं / भीमभवण्णववहणं पज्जंताराहणं वोच्छं बत्तीसहिदारेहिं भणिहिइ खवगस्स उत्तमट्ठविही / सग्गाऽपवग्गमंदिररुहणे सोवाणपंति व्व // 2 // आराहणाए दारे वोच्छं संलेहणा 1 तह परिक्खा 2 / निज्जामय 3 जोगत्तं 4 अगिय 5 असंविग्ग 6 निज्जरणा 7 // 3 // पण 8 वसही पसत्था 9 संथारो 10 दव्वदायणा चरिमे 11 / तत्तो समाहिपाणं 12 गणवइ खवगे गणनिसग्गो 13 // 4 // चिइवंदण 14 आलोयण 15 वयाणमुच्चारणा 16 चउस्सरणं 17 / दुक्कडगरिहा 18 सुकडाणुमोयणा 19 जीवखामणयं 20 // 5 // तह सयणखामणं 21 संघखामणं 22 जिणवराइखामणयं 23 / आसायणपडिकमणं 24 काउस्सग्गो 25 य सकथओ 26 // 6 // तह पावट्ठाणाणं वोसिरणं 27 अणसणं 28 च अणुसट्ठी 29 / / सारेऊणं कवयं 30 नवकारा 31 ऽऽराहणाए फलं 32 // 7 // संलेहणा उ दुविहा अर्भितरिया 1 य बाहिरा 2 चेव / अभिंतरा कसाएसु, बाहिरा होइ हु सरीरे // 8 // तणुसंलेहा तिविहा उक्कोसा 1 मज्झिमा 2 जहण्णा 3 य / बारस वासा 1 बारस मासा 2 पक्खा वि बारस उ 3 // 9 // चत्तारि विचित्ताई, विगईनिज्जूहियाइं चत्तारि / संवच्छरे य दुण्णि उ एगंतरियं च आयाम // 10 // नाइविगिट्ठो य तवो छम्मासे परिमियं च आयाम / अण्णे वि य छम्मासे होइ विगिटुं तवोकम्म // 11 //