Parampaddai Anandghan Padreh Part 02

Author(s): Suryavadan T Zaveri
Publisher: Shreyaskar Andheri Gujarati Jain

Page 12

પદ્મશ્રી ડો. કુમારપાળ દેસાઈ તેમજ આત્મપ્રેમી પંડિતવર્ય શ્રી પુનમચંદભાઈ પંડિતજીએ આપેલ પ્રોત્સાહક સહયોગનું હૃદયથી અભિવાદન કરીએ છીએ. તેઓશ્રીએ પોતાના કિંમતી સમયનો ભોગ આપી જે કાર્ય કરેલ છે તે બદલ તેમના ઋણી છીએ. પ્રસ્તુત કાર્યમાં પૂજયપાદ ગચ્છાધિપતિશ્રીના પ્રેરણા અને માર્ગદર્શન પણ સહાયક બન્યા છે. અંતેવાસી તરીકે રહીને સેવાધર્મ બજાવનાર જ્ઞાનરુચિ તિવિજયજી, અત્યંત સેવાભાવી સોહમદર્શનવિજયજી તથા પરમ વિનયી પ્રશમરતિવિજયજી નો સહયોગ પણ અત્રે યાદ આવ્યા કરે છે.
યોગીરાજના પદ સાહિત્યના મર્મને પામવા એક એક પદ ઉપરનું વિવેચન ખૂબજ શાંતિથી એકાંતમાં કુદરતના ખોળે બેસી ચિંતન-મનન કરવા યોગ્ય છે.
જ્યાં સુધી એક પદનો મર્મ આત્મસાત ન થાય ત્યાં સુધી બીજા પદનું વિવેચન વાંચવાની ઉતાવળ જો જરાપણ ન કરવામાં આવે તોજ પ્રસ્તુત લખાણ લાભદાયી . થશે એવી જિજ્ઞાસુ પાઠકને ભલામણ છે. એજ,
I fશવાર્ત પંથાન: II
પ્રાપ્ત સાહિત્ય અને સ્વ ક્ષયોપશમના આધારે મસ્ત ફકીર અવધૂતયોગીશ્રી પૂજ્ય આનંદઘનજી મહારાજાના પદોના ગહન ગૂઢ રહસ્યોને યથાશક્તિ પ્રકાશિત કરવાનો અનાયાસે થઈ ગયેલો આ નમ્ર પ્રયાસ છે.
પૂર્ણ થયાં નથી, સર્વજ્ઞ બન્યા નથી ત્યાં સુધી છદ્મસ્થ છીએ અને તેથી ભૂલચૂક થઈ હોય, વીતરાગ સર્વાની વીતરાગ વાણીથી વિપરીત કાંઈ પ્રરૂપણા થઈ ગઈ હોય, દોષ સેવાયો હોય તો તે બદલ મિચ્છામિ દુક્કડં!
| ત તુ નિયા! . કેવળજ્ઞાની થવા માટે કેવળજ્ઞાની ભગવંતનો સાક્ષાત ચોગ થાય અને સત્ય પ્રકાશ પ્રાપ્ત થાય એવી અંતરેચ્છા!
સાંપ્રદાયિકતાથી ઉપર ઉઠી વિશાળ દષ્ટિથી કરાયેલ અવલોકનથી ઉદ્ભવતી ટીકા આવકાર્ય છે. નિ:સંકોચ ભૂલચૂક ચીંધશો જેથી સુધારાને ફેરફારને અવકાશ રહે!
પ્રેમ-ભુવનભાનુ-જયઘોષસૂરિ આજ્ઞાવર્તી
પં. મુક્તિદર્શનવિજય ગણિ
વિ.સં. ૨૦૬૨ ફાલ્વન કૃષ્ણા નવમી, કુંથુનાથ જૈન દેરાસર - ઉપાશ્રય, શાંતાક્રુઝ (વેસ્ટ), મુંબઈ.