Panchbhashi Pushpmala Bengali

Author(s): Pratap J Tolia
Publisher: Vardhaman Bharati International Foundation

Page 6

ಸಂಪಾದಕೀಯ
ಪಂಚಭಾಷಿ ಪುಷ್ಪಮಾಲೆ ಅತ್ಯುಚ್ಚಸಾಕ್ಷಾತ್ಕಾರ ಪಡೆದ ದಿವ್ಯಾತ್ಮಒಂದರ ಕೊಡುಗೆ ಇದು.
ಶ್ರೀಮದ್ ರಾಜಚಂದ್ರಜೀಯವರು ತಮ್ಮ ಹತ್ತನೇ ವರುಷದ ವಯಸ್ಸಿನಲ್ಲೇ ಪೋಣಿಸಿದ ಈ ದಿವ್ಯ, ಪವಿತ್ರ , ಪರಮಶ್ರೇಷ್ಟ ಜ್ಞಾನಪುಷಗಳ ಸರಮಾಲೆಯು, ಪೂರ್ವಜನ್ಮದ ಅರಿವಿನ ಒಂದು ನಿಚ್ಚಳ ದಾಖಲೆಯಾಗಿದೆ.
ಹಲವು ಜನಗಳ ಸಂಚಿತ, ಅದ್ವಿತೀಯ, ಅಭಿವ್ಯಕ್ತ, ಜ್ಞಾನಾಮೃತ ಧಾರೆಯ ಹಾಗೂ ನಿಷ್ಕಳಂಕ, ನಿರ್ಮಲ, ಅತಿ ಸುಂದರ ದಿವ್ಯ ಜೀವನದ ಫಲವೇ ಈ ತಿಳುವಳಿಕೆ ಮತ್ತು ಪೂರ್ವಜನ್ಮದ ಜಾತಿಸ್ಕೃತಿಜ್ಞಾನ, ಚಿಕ್ಕವರಿಂದ ದೊಡ್ಡವರತನಕೆ ಅನಕ್ಷರಸ್ಥರಿಂದ ಮೇಧಾವಿಗಳತನಕ, ಬಡವರಿಂದ ಸಿರಿವಂತರ ತನಕ, ಬೈರಾಗಿಗಳಿಂದ ಸಂಸಾರಿಗಳ ತನಕ, ಪ್ರತಿಯೊಬ್ಬರಿಗೂ ದಿನ ನಿತ್ಯವೂ ಬೆಳಗಿನಿಂದ ಸಂಜೆಯವರೆಗೆ, ಈ ಪುಷ್ಪ ಮಾಲೆಯು ಒಂದು ಅಮೋಘವಾದ ಪ್ರಾಯೋಗಿಕ ಮಾರ್ಗದರ್ಶನ ನೀಡುತ್ತದೆ. ತಮ್ಮ 8ನೇ ವಯಸ್ಸಿನಲ್ಲೂ ಗೀತೆಗಳನ್ನು ಬರೆಯುತ್ತಿದ್ದ ಶ್ರೀಯವರು, 10ನೇ ವರ್ಷದಲ್ಲಿ ಬರೆದ ಈ ರಚನೆಯು ಅತ್ಯದ್ಭುತವಾಗಿದೆ. ತಮ್ಮ ಏಳನೆಯ ವಯಸ್ಸಿನಲ್ಲೇ ಮೂಡಿತ್ತು ಹಿಂದೆ ಹೇಳಿದ ಅವರ 'ಜಾತಿಸ್ಕೃತಿ ಜ್ಞಾನ'.
ನಿಜವಾಗಿಯೂ ಇದು ಪ್ರತಿಯೊಬ್ಬರಿಗೂ ಅವರ ಪ್ರಾಯೋಗಿಕ, ನೈತಿಕ, ಸಾಮಾಜಿಕ, ಧಾರ್ಮಿಕ ಬದುಕಿನ ನಿತ್ಯ-ಮಾರ್ಗದರ್ಶಿಯಾಗಿದೆ.
ಪ್ರಸಕ್ತ ಸುವರ್ಣ ವರ್ತಮಾನದ ಕೈಜಾರುವ ಪ್ರತಿ ಕ್ಷಣಗಳ ಗಣನೆ ಹಾಗೂ ಅವುಗಳ ಹಿಡಿತಕ್ಕೆ ಬೇಕಾದ ವಿಧಿನಿಯಮಗಳು ಇಲ್ಲಿವೆ. ಭೂತಕಾಲದ ಆತ್ಮಪರಿಶೀಲನೆ, ವರ್ತಮಾನದ ಸುಧಾರಿತ ಉಪಯೋಗ, ಹೊಳೆಯುವಂತಹ ದಿವ್ಯ ಭವಿಷ್ಯ ಎಲ್ಲವೂ ಲಭ್ಯ. ಗತಕಾಲದ್ದು ಉಳಿಯದು, ಮುಂದಿನ ಭವಿಷ್ಯವೂ ಮಾಯ, ಪ್ರಸ್ತುತ ಮಾತ್ರ ಉಳಿಯುವುದು ವರ್ತಮಾನದ ಬದುಕು ಮಾತ್ರವೇ ಈಗ ನಮ್ಮ ಮುಂದಿರುವುದು.