________________
xiji
ಮುಂದುವರೆದೆವು.
ಇದಾದ ನಂತರ, 1996ರಲ್ಲಿ (ಸ್ಯಾನ್ ಫ್ರಾನ್ಸಿಸ್ಕೋ ನಗರದಲ್ಲಿ ಆರಂಭಿಸಿ ಒಂದು ವರ್ಷವಿಡೀ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡು) ಆತ್ಮಸಿದ್ದಿಯ ಶತಮಾನೋತ್ಸವವು ಅಮೇರಿಕದ ಚಿಕಾಗೊದಲ್ಲಿ ಚಾಲನೆಗೊಂಡಿತು. ಸಪ್ತ ಭಾಷಿ ಆತ್ಮಸಿದ್ದಿಯ ಮೊದಲ ಹಸ್ತಪ್ರತಿಯನ್ನು ಅಂತರಾಷ್ಟ್ರೀಯ ಮಟ್ಟದಲ್ಲಿ ಅದರ ಅಚ್ಚಾಗುವ ಮೊದಲೇ ಬಿಡುಗಡೆಗೊಳಿಸಲಾಯಿತು. ಸಂಪಾದಕ ಪ್ರೊ. ಟೊಲಿಯಾ ಅವರು ಆ ಸಮಯದಲ್ಲಿ ಹಾಜರಿದ್ದು ಕೃತಿಯ ಬಗ್ಗೆ ವಿವರಗಳನ್ನು ಸಭಿಕರಿಗೂ, ಚಿಕಾಗೊ ನಗರದ ಮಾಧ್ಯಮ ಪ್ರತಿನಿಧಿಗಳಿಗೂ ಒದಗಿಸಿದರು. ಈಗ ಬಿಡುಗಡೆಯಾದ ಕೃತಿಯಲ್ಲಿ ಇದರ ವಿವರಣೆ ಹಾಗೂ ಭಾವಚಿತ್ರಗಳನ್ನು ಪ್ರಕಾಶನಗೊಳಿಸಿದೆ.
ತತ್ವಜ್ಞಾನಿ ಶ್ರೀ ಜೆ. ಕೃಷ್ಣಮೂರ್ತಿ ಹಾಗೂ ಆಚಾರ್ಯ ವಿನೋಬಾ ಭಾವೆಯವರ ಭಾವನಾತ್ಮಕವಾದ ಜೊತೆಗಾರರಾದ ವಿದುಷಿ ವಿಮಲಾ ಥಾಕ್ಕರವರು ತಮ್ಮ ಅತ್ಯಂತ ಸೂಕ್ತವಾದ ಪ್ರಾಸ್ತಾವಿಕ ಮುನ್ನುಡಿಯಲ್ಲಿ ಬರೆಯುತ್ತಾ ಪ್ರತಿಯೊಬ್ಬ ನೈಜ ಸಾಧಕನೂ ಅಧ್ಯಯನ ಮಾಡಲೇ ಬೇಕಾದ ಪುಸ್ತಕಗಳ ರತ್ನ ಇದು. ಆತ್ಮ ದರ್ಶನದ ಆಕಾಂಕ್ಷಿಗಳು ಇದನ್ನು ಓದಲೇ ಬೇಕು ಎಂದಿದ್ದಾರೆ. ಕೊನೆಯ ಪುಟಗಳ ಅನುಬಂಧದಲ್ಲಿ ಮಹಾತ್ಮ ಗಾಂಧೀಜಿಯವರ ಮತ್ತು ಶ್ರೀಮದ್ ರಾಜಚಂದ್ರಜೀಯವರ ನಡುವಿನ ಉಲ್ಲೇಖನೀಯ ಸಂಬಂಧದ ಬಗ್ಗೆ ತಿಳಿಸಿದೆ - ಮಾತ್ರವಲ್ಲ ಶ್ರೀಮಾನ್ ರಾಜಚಂದ್ರಜಿಯಂತಹ ಅತ್ಯುತ್ಕೃಷ್ಟ ಲೇಖಕರ ಬಗ್ಗೆ ಮಾತಿದೆ. ಈ ಯೋಜನೆಯನ್ನು ಯಶಸ್ವಿಯಾಗಿ ಮುಗಿಸುವಂತೆ ಎಲ್ಲಾ ಪ್ರೋತ್ಸಾಹ ನೀಡಿದವರೆಂದರೆ ವಿಮಲಾ ದೀದಿಯವರು.
ಕಟ್ಟಕಡೆಗೆ ಈಗ ಶ್ರೀಮದ್ ರಾಜಚಂದ್ರಜಿಯವರ ನಿರ್ವಾಣ ಶತಮಾನ ಸಮಯದಲ್ಲಿ ಮತ್ತು ಶ್ರೀ ಭಗವಾನ್ ಮಹಾವೀರರ 2600ನೇ ಹುಟ್ಟುಹಬ್ಬದ ವಾರ್ಷಿಕ ಜಯಂತಿಯ ಆಚರಣೆಯ ಸಂದರ್ಭದಲ್ಲಿ ಸಪ್ತಭಾಷಿ ಆತ್ಮಸಿದ್ದಿಯು ಮುದ್ರಣ ಹಾಗೂ ಪ್ರಕಾಶನ ಯೋಗ್ಯ ಪೂರ್ಣತೆಯನ್ನು ಪಡೆದು ಕೊಂಡು,
