Paia Padibimbo

Author(s): Vimalmuni
Publisher: Jain Vishva Bharati

Page 150

पाइयपडिबिंबो सोच्चाण मायाअ इमं य वाणि, साहेइ इत्थं कुमरो सुबाहू । वित्तं विणासं लहिउं समत्थं, राया य थेणो हरिउं समत्थो ।।२२।। अग्गी हिरण्णं डहिउं समत्था, णेउं समत्था इर दायगा तं । दह्रण वित्तस्स इमं ठिइं मे, दिक्खाअ आणं तुरिअं य देज्जा ।।२३।।
(जुग्गं) वाणि सुबाहुस्स इमं सुणेत्ता, बोल्लेइ माया हु पुणो वि इत्थं । साहूण जीअं सुयरं य णाई, तं विज्जए दुक्करदुक्करं य ।।२४।। उद्देसियं कीयगडं य साहू, गेण्हेंति आहाकयभोयणं णो । आयारमेयं समणाणमत्थि, लोगम्मि जं अत्थि य दुक्करं य ॥२५॥ बावीससंखाणि परीसहाइं, साहूण जीअम्मि समागमेंति । धीरा सुवीरा सहिउं समत्था, णाई य अण्णो पुरिसो समत्थो ॥२६॥ ताइं तुम णो सहिउं समत्थो, माइं य गेण्हेज्ज अओ य दिक्खं ।। सोऊण माऊअ इमं य वाणिं, साहेइ इत्थं कुमरो सुबाहू ॥२७॥ सामण्णमेयं सई" कायराणं, किच्चं महादुक्करमत्थि अत्थ । किं दुक्करं णिच्छियमाणसाणं, कज्ज य लोगम्मि य विज्जए य ।।२८।। णाऊण दिक्खाअ य से वियारं, भज्जाउ सव्वाउ तयाणि तस्स । तं बुज्झिउं दुत्ति कुणेति चेटुं, बोल्लेति इत्थं णिअगं पियं ते ।।२९।।
आहारभूयो य जहा य लोगे, मेहो सया होइ य चायगाणं । आहारभूयो य तुम इयाणि, अम्हाण सव्वाण तहेव अत्थि ॥३०॥ णीरं विणा जा य दसा हुवेइ, मीणाण लोगम्मि तहेव सा णे । छड्डेज्ज" माइं य अओ पियो ! तुं, सोऊण इत्थं वयणं य ताणं ॥३१॥ साहेइ ता सो कुमरो सुबाह, आहारभूयो इह को य कस्स । मच्चा समे सत्थपरायणा य, सत्थं विणा पुच्छइ' को ण क य ।।३२॥
(जुग्गं)
१२. अस्माकम् ।
११. सदा (इ: सदादौ वा-- प्रा. व्या. ८।११७२)। १३. त्यजेत् (मुचेश्छड्डा...."प्रा. व्या. ८।४।९१) ।