Nandanvan Kalpataru 2009 00 SrNo 22

Author(s): Kirtitrai
Publisher: Jain Granth Prakashan Samiti

Page 103

४ ससुरो जाओ वि न''त्ति । तीए उत्तं - 'हे ससुर ! धम्महीणमणूसस्स माणवभवो र
पत्तो वि अपत्तो एव, जओ सद्धम्मकिच्चेहिं सहलो भवो न कओ सो मणूसभवो निप्फलो चिय । तओ तुम्ह जीवणं पि धम्महीणं सव्वं गयं । तेण मए कहिअं- मम ससुरस्स उप्पत्ती एव न।
एवं सच्चत्थनाणे तुट्ठो धम्माभिमुहो जाओ । पुणरवि पुटुं- 'तुमए सासूए छम्मासा कहं कहिआ ?' तीए उत्तं- 'सासुं पुच्छह' । सेट्ठिणा सा पुट्ठा । ताए वि कहिअं- 'पुत्तवहूए वयणं सच्चं, जओ मम जिणधम्मपत्तीए छम्मासा एव जाया, . जओ इओ छम्मासाओ पुव्वं कत्थ वि मरणपसंगे गया। तत्थ थीणं विविहगुणदोसवट्टा जाया । एगाए वुड्ढाए उत्तं "नारीण मज्झे इमीए पुत्तवहू सेट्ठा । जोव्वणवए वि सासूभत्तिपरा धम्मकज्जमि सएव अपमत्ता, गिहकज्जेसु वि कुसला नऽन्ना एरिसा!। इमीए सासू निब्भग्गा, एरिसीए भात्तिवच्छलाए पुत्तवहूए वि धम्मकज्जे पेरिज्जमाणावि धम्मं न कुणेई' । इमं सोऊण वहूगुणरंजिआ तीए मुहाओ धम्मो पत्तो । धम्मपत्तीए छम्मासा जाया, तओ पुत्तवहूए छम्मासा कहिया, तं जुत्तं' ।
पुत्तो वि पुट्ठो, तेण वि उत्तं- 'रत्तीए सययधम्मोवएसपराए भज्जाए "संसारासारदंसणेण भोगविलासाणं च परिणामहदाइत्तणेण, वासानईपूरतुल्लजुव्वणत्तणेण य देहस्स खणभंगुरत्तणेण जयंमि धम्मो एव सारु"त्ति उवदिट्ठो हं जिणधम्माराहगो जाओ, अज्ज पंच वासा जाया । तओ वहूए मं उद्दिस्स पंचवासा कहिया, तं सच्चं'।
एवं कुटुंबस्स धम्मपत्तीए वर्ल्ड, विउसीए य पुत्तवहूए जहत्थवयणं सोऊण लच्छीदासो वि पडिबुद्धो वुड्डत्तणे वि धम्मं आराहिअ सग्गई पत्तो सपरिवारो।
उवएसो
सीलवईअ दिटुंतं, ससुराइविबोहगं । सोच्चा धम्मेण अप्पाणं, वासिअं कुण सव्वया ।।