Maun Ekadashi Vrat Katha

Author(s): Pulinbhai R Shah
Publisher: Pulinbhai R Shah

Page 16

શ્રી મૌન એકાદશી નું વ્રત કથા
:
કરવા લાગ્યા, અને કહેવા લાગ્યા કે અહો! જૈન ધર્મનો મહિમા પ્રત્યક્ષ નયણે દીઠો.
તપ પૂર્ણ થયાથી શેઠે ઉજમણું કર્યું. લાડવા પ્રમુખ પકકવાન્ન સર્વ અગીયાર અગીયાર ઢોક્યા, તથા અગીયાર પ્રકારના ધાન્ય અને ફળ ઢોઇ તપશુદ્ધ કરી સ્વામિવાત્સલ્ય સંઘ પૂજાદિક બીજા પણ ઘણાં ધર્મકાર્ય કર્યું. પછી જે અગીયાર સ્ત્રીઓ હતી તે પ્રત્યેક સ્ત્રીને અગીયાર અગીયાર પુત્ર થયા તેમને પરણાવ્યા, તથા અગીયાર પુત્રીઓ થઈ તેને પણ પરણાવી. અનુક્રમે તે સુવ્રત શેઠ મહા ઋદ્ધિવંત થયા. નવાણું કોડ સોનૈયા ઉપાર્જન કરી ધનવાન થઈ દાન પૂણ્ય કરવા લાગ્યા.
વૃદ્ધાવસ્થા થવાથી એક વખત શેઠે મનમાં વિચાર્યું જે મેં આજ પર્યત ગૃહસ્થનો ધર્મ પાળ્યો, મૌન એકાદશીનું તપ પૂર્ણ કરી ઉજમણું પણ કર્યું, તો હવે જે ગુરુ પાસેથી દીક્ષા લઈ શુદ્ધ ચારિત્ર પાળું તો મારો જન્મ સફળ થાય. એવો મનોરથ મનમાં ઉપજ્યો ત્યારે સર્વ પરિવારને પૂછી તેમની આજ્ઞા લીધી.
એવામાં શેઠના પૂણ્યયોગે ફરી ત્યાં ચાર શાનના ધણી એવા ગુણસુંદર નામના આચાર્ય પધાર્યા. તે મુનિ છત્રીશ ગુણે કરી સહિત, ધન ધાન્યાદિ પરિગ્રહ રહિત, ચારિત્ર, નિર્મલ ગાત્ર, છક્કાના પીયર, ક્રોધાદિ કષાય તથા આઠ મદના ટાળનાર, પાંચ વિષયના ઝીપક, મિથ્યાત્વનિવારક શુદ્ધ ક્રીયાના કરનાર, બેંતાલીશ દોષ રહિત આહારના ગવેષનાર, સમતાના ઘર, ગુણરયણાકર, એવા આચાર્ય આવી સમોસય. તેમને શ્રાવકોએ હર્ષે કરી વધાવ્યા. રાજા પ્રજા સર્વ વાંદવા ગયાં. ગુરુએ પણ સર્વ સભાજનોને ધર્મોપદેશ દેવા માંડયો.