Book Title: Maun Ekadashi Vrat Katha Author(s): Pulinbhai R Shah Publisher: Pulinbhai R ShahPage 18
________________ શ્રી મૌન એકાદશી / વ્રત કથા કરશે તે પ્રાણી સર્વ દુઃખથી મુક્ત થઇને પરંપરાએ જન્મ–જરા, મરણ રહિત એવા મોક્ષ સંબંધી સુખને પામશે. એવો આચાર્યના મુખથી ઉપદેશ સાંભળીને સુવ્રત શેઠ સંસારથી ભય પામ્યા. ઉદ્વેગચિત્ત થઇ ઉભા હાથ જોડીને ગુરુને કહેવા લાગ્યા કે જે હે ભગવન! હવે હું આપની પાસે દીક્ષા લઇશ, આપ અહીં રહેજો. ગુરુએ કહ્યું જે હે દેવાણુપ્પિયા! જેમ તમારા આત્માને સુખ ઉપજે તેમ કરો, ‘મા પડિબંધ કરેહ' પ્રતિબંધ કરશો નહીં. પછી ગુરુની આજ્ઞા લઈ શેઠ પોતાને ઘેર આવ્યા અને મોટા પુત્રને ઘર ભળાવી સમજણ આપી ઘણું દ્રવ્ય સાત ક્ષેત્રે ધર્મ સ્થાનકે વાપરી, યાચકજનોને દાન દઈ, માન મહત્વ લઇ, શુભ મુહૂર્ત જોઇ, હજાર માણસ વહન કરે એવી સહસ્રવાહિની નામની પાલખીમાં બેસી પોતાની અગીયાર ભાયં સહિત સંવેગભાવે ગુરુ પાસે આવીને પંચ મહાવ્રત ઉચર્યા. પછી સુખે સંયમ પાળવા લાગ્યા. બસો છષ્ઠ, એક સો અટ્ટમ, દસમ, દુવાલસ, પક્ષક્ષમણ, માસક્ષમણાદિ, ચાર વાર ચોમાસી, યાવત્ અને એક વાર છમાસી પર્યંત ઘણાં તીવ્ર તપ કરતાં આત્માને પ્રતિભાવતા થકા વિચરે છે. એક વખત સુવ્રત સાધુ મૌનએકાદશીને દિવસે મૌનવ્રત ધારણ કરી કાઉસ્સગ્ગ ધ્યાને ઉભા છે, તે સમયે કોઇ એક મિથ્યાદષ્ટિ વ્યંતર દેવતા તેમના તપ થકી ક્ષોભ પમાડવાને માટે ત્યાં આવીને કોઇ એક સાધુના શરીરમાં કોઇ રીતે શમી જાય નહીં એવી કારમી અત્યંત આકરી વેદના ઉપજાવી. વળી તે દેવતા પોતે પણ સાધુના શરીરમાં સંક્રમ્યો, તેના બળે કરી સાધુ પણ સુવ્રત મુનિ કાઉસ્સગ્ગમાં ઉભા છે તેની પાસે ૧૧Page Navigation
1 ... 16 17 18 19 20
