Maun Ekadashi Vrat Katha

Author(s): Pulinbhai R Shah
Publisher: Pulinbhai R Shah

Page 14

શ્રી મૌન એકાદશી નું વ્રત કથા
થાય છે. એમ વિરાધના સંબંધી પશ્ચાત્તાપ કરતો મનમાં ચઢતે પરિણામે ધર્મધ્યાન નિયલ ચિત્તથી ધ્યાવે છે.
એવા સમયે ચોરોએ પણ ધન લઈને ચાલવા માંડયું, પરંતુ શેઠના ધર્મપસાયથી શાસનદેવતાએ ચોરોને ચિત્રામણની પેરે થંભી રાખ્યા, તેથી ચોરો ત્યાં જ નિશ્ચલ થઈ ઉભા રહ્યા. એમ કરતાં પ્રભાત થયું ત્યારે શેઠ કુટુંબ સહિત ધર્મશાલાએ જઈ ગુરુની આગળ પોસહ પારી, જ્ઞાનની પૂજા કરી, વ્યાખ્યાન સાંભળી દેરે જઇને શ્રી જિનેશ્વરને વિધિપૂર્વક વાંદી પૂજીને ઘેર આવ્યા. ત્યાં ચોરોને તેમના તેમજ ઉભા દીઠા. લોકો તે વાત જઈ રાજા આગળ કહી, જે સુવ્રત શેઠને ઘેર ચોર લોકો ચોરી કરવા પેઠા હતા તે થંભાઈ ગયા છે. તે સાંભળી રાજાએ તે ચોરોને પકડી લાવવા માટે સુભટો મોકલ્યા. તેને આવ્યા જોઈ શેઠ મનમાં ચિંતવવા લાગ્યા છે એ ચોરોને રાજા હણશે, દુઃખ ઉપજાવશે તો મહાઅનર્થ થશે. એવો કરૂણભાવ ચોરોની ઉપર આણ્યો, તેથી શેઠના તપના પ્રભાવથી રાજાના સુભટો પણ થંભાઈ ગયા. તે પણ ચોરોની પેઠે હાલી ચાલી શકે નહીં. તે વ્યતિકર લોકોના મુખથી રાજાએ સાંભળ્યો ત્યારે સપરિવારે રાજા પણ ત્યાં આવ્યો. એટલે સુવ્રત શેઠ સામો જઈ રૂડાં વરસ આભૂષણ ભેટ કરી હાથ જોડી રાજાને ચરણે નમીને ચોરનું અભયદાન માંગ્યું, ત્યારે રાજા પણ ઘણો પ્રસન્ન થઈને તે ચોરોની તકસીર માફ કરી.
પછી શેઠ ચોરોને કહ્યું કે તમે સુખે તમારે ઘર જાઓ, એમ કહી શીખ દીધી. શેઠની મરજી જાણી શાસનદેવતાએ પણ ચોર તથા સુભટને સ્તંભનથી મુક્ત કર્યા ત્યારે સહુ પોતપોતાને સ્થાનકે ગયા.