Kappasuttam Vhas Vises Chunni Sahiyam Part 02

Book Title: Kappasuttam Vhas Vises Chunni Sahiyam Part 02
Author(s): Bhadrabahuswami, Sanghdasgani Kshamashraman, 
Publisher: Shubhabhilasha Trust

View full book textPrevious | Next

Page 18
________________

४२७
भासगाहा-३३०३-३३११] बीओ उद्देसो
"सालि जव०" गाहा । सालिजवाणं सालुगं अच्छीसु लग्गेज्ज, अहवा सकलं पादंगुली अन्तरेसु लग्गेज्जा, तत्थ गिलाणारोवणा । निस्सरणं णाम फिल्लुसणं । एक्को गोहो चिंतेइ-जइ सस्सुगाए गुज्झोरुगादि पासेज्जा । ताहे मासा अइगमण-निग्गमणपहे विप्पकिण्णा, सा तत्थ फिल्लुसिया उत्ताणिया पडिया। एवं वा आयविराहणा ।
बितियपद कारणम्मि, पुट्विं वसभा पमज्ज जतणाए । विक्खिरणम्मि वि लहुओ, तत्थ वि आणादिणो दोसा ॥३३०८॥
"बिइयपद०" गाहा । अद्धाणणिग्गयाई तिक्खुत्तो मग्गिऊण असईए ताहे वसभा पादपुंछणं गहाय जत्थ थिराणि उक्किन्नाणि परित्ताणि गवेसंति इमाए जयणाए
गीया पुरा गंतु समिक्खियम्मि, थिरे पमज्जित्तु महाथिरे वा । साहट्टमेगं ति वसंति लंद, उक्कोसयं जाणिय कारणं वा ॥३३०९॥
"गीतापुरा०" वृत्तं । गीतत्था पुव्वं वसहिं पमज्जंति जहा अगीतत्था ण याणंति । जइ णाम तेहिं ताओ दिट्ठाओ वसहीओ, ताहे भणंति-एत्ताहे केण वि पमज्जियाओ। वच्चामो । तहिं चेव जामो । तत्थ आव उक्कोसं अहालंदं अच्छेज्जा । एवं ताहे जयणाए विक्खिण्णवितिगिण्ण-विप्पकिण्णेसु वि, पढमं परित्तेसु अथिरेसु पच्छा थिरेसु वि, एवं अणंतेसु वि । अह उप्परिवाडीए ठाइ मासलहुं । संजईणं पि एसेव उस्सग्गाववाओ ।
[सुत्तं] अह पुण एवं जाणिज्जा-नो उक्खित्ताइं नो विक्खित्ताइं? नो विकिण्णाई रासिकडाणि वा पुंजकडाणि वा भित्तिकडाणि वा कुलियाकडाणि वा लंछियाणि वा मुद्दियाणि वा पिहिताणि वा कप्पड़ निग्गंथाण वा निग्गंथीण वा हेमंत-गिम्हासु वत्थए ॥२-२॥
"अह पुण एवं जाणेज्जा णो उक्खिण्णाणि०" सुत्तं उच्चारेयव्वं । रासीकडा य पुंजे-कुलियकडा पिहित मुद्दिते चेव । ठायंतगाण लहुगा, कास अगीतत्थ सुत्तं तु ॥३३१०॥ "रासी०" गाहा । एयाणि सुत्तपदाणि गहियाणि । एषां व्याख्यापुंजो य होति वट्टो, सो चेव य ईसि आयतो रासी ।। कुलिया कुडल्लीणा, भित्तिकडा संसिया भित्ती ॥३३११॥
१. नो उक्खिण्णाइं नो विक्खिण्णाई - अ ब क ड इ ।


Page Navigation
1 ... 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 ... 423