________________
४२७
भासगाहा-३३०३-३३११] बीओ उद्देसो
"सालि जव०" गाहा । सालिजवाणं सालुगं अच्छीसु लग्गेज्ज, अहवा सकलं पादंगुली अन्तरेसु लग्गेज्जा, तत्थ गिलाणारोवणा । निस्सरणं णाम फिल्लुसणं । एक्को गोहो चिंतेइ-जइ सस्सुगाए गुज्झोरुगादि पासेज्जा । ताहे मासा अइगमण-निग्गमणपहे विप्पकिण्णा, सा तत्थ फिल्लुसिया उत्ताणिया पडिया। एवं वा आयविराहणा ।
बितियपद कारणम्मि, पुट्विं वसभा पमज्ज जतणाए । विक्खिरणम्मि वि लहुओ, तत्थ वि आणादिणो दोसा ॥३३०८॥
"बिइयपद०" गाहा । अद्धाणणिग्गयाई तिक्खुत्तो मग्गिऊण असईए ताहे वसभा पादपुंछणं गहाय जत्थ थिराणि उक्किन्नाणि परित्ताणि गवेसंति इमाए जयणाए
गीया पुरा गंतु समिक्खियम्मि, थिरे पमज्जित्तु महाथिरे वा । साहट्टमेगं ति वसंति लंद, उक्कोसयं जाणिय कारणं वा ॥३३०९॥
"गीतापुरा०" वृत्तं । गीतत्था पुव्वं वसहिं पमज्जंति जहा अगीतत्था ण याणंति । जइ णाम तेहिं ताओ दिट्ठाओ वसहीओ, ताहे भणंति-एत्ताहे केण वि पमज्जियाओ। वच्चामो । तहिं चेव जामो । तत्थ आव उक्कोसं अहालंदं अच्छेज्जा । एवं ताहे जयणाए विक्खिण्णवितिगिण्ण-विप्पकिण्णेसु वि, पढमं परित्तेसु अथिरेसु पच्छा थिरेसु वि, एवं अणंतेसु वि । अह उप्परिवाडीए ठाइ मासलहुं । संजईणं पि एसेव उस्सग्गाववाओ ।
[सुत्तं] अह पुण एवं जाणिज्जा-नो उक्खित्ताइं नो विक्खित्ताइं? नो विकिण्णाई रासिकडाणि वा पुंजकडाणि वा भित्तिकडाणि वा कुलियाकडाणि वा लंछियाणि वा मुद्दियाणि वा पिहिताणि वा कप्पड़ निग्गंथाण वा निग्गंथीण वा हेमंत-गिम्हासु वत्थए ॥२-२॥
"अह पुण एवं जाणेज्जा णो उक्खिण्णाणि०" सुत्तं उच्चारेयव्वं । रासीकडा य पुंजे-कुलियकडा पिहित मुद्दिते चेव । ठायंतगाण लहुगा, कास अगीतत्थ सुत्तं तु ॥३३१०॥ "रासी०" गाहा । एयाणि सुत्तपदाणि गहियाणि । एषां व्याख्यापुंजो य होति वट्टो, सो चेव य ईसि आयतो रासी ।। कुलिया कुडल्लीणा, भित्तिकडा संसिया भित्ती ॥३३११॥
१. नो उक्खिण्णाइं नो विक्खिण्णाई - अ ब क ड इ ।
