Kappasuttam Vhas Vises Chunni Sahiyam Part 02

Author(s): Bhadrabahuswami, Sanghdasgani Kshamashraman,
Publisher: Shubhabhilasha Trust

Page 16

भासगाहा-३२९०-३३०२] बीओ उद्देसो
४२५ "एमेव होइ वगडा०' गाहा । वगडाए वि चउव्विहो णिक्खेवो । एस मासकप्पे वन्निओ। ‘दव्वम्मि तिप्पगारे'त्ति सचित्ता अच्चित्ता मीसिया । वगडि त्ति वा वइ त्ति वा एगटुं। घरवगडाए अधीयारो । सो पुण इमेरिसो -
वलया कोट्ठागारा, हेट्ठा भूमी य होइ रमणिज्जा । बीएहिं विप्पमुक्को, उवस्सओ एरिसो होइ ॥३२९७॥ कडपल्लाणं सण्णा, तणपल्लाणं च देसितो वलया । निप्परिसाडिम भुज्जतगा य कयभूमिकम्मंता ॥३२९८॥
"वलया कोट्ठागारा०" ["कडपल्लाणं०"] गाहा । वलयाण व्याख्या-कडिवल्लि त्ति वा धण्णसाल त्ति वा तणपल्लि त्ति वा वलय त्ति वा एगटुं । तेसिं मालाबद्धा, तेसु मालेसु धण्णाणि कीरंति, हेट्ठा य से भूमी रमणिज्जा । कोट्ठागारा अस्य व्याख्या
चाउस्सालघरेसु व, जत्थोव्वर-कोट्ठएसु धण्णाइं । निच्चट्ठइतमभोगा, तेसु निवासं न वारेइ ॥३२९९॥
"चाउस्साल०" गाहा । कण्ठ्या। उववरओ त्ति कोट्ठगो त्ति वा एगटुं । चाउस्साले जेसु उव्वरएसु साली कओ, निच्चठइत्ता य अच्छंति । सेसएसु उव्वरिएसु खणिएसु निवासं न वारेइ । एएसु कप्पइ । जो पुण
सालीहिं वीहीहिं, तिल-कुलत्थेहिं विप्पकिण्णेहिं ।
आदिण्णे वितिकिण्णे, अहलंद ण कप्पती वासो ॥३३००॥ [नि०] "सालीहिं०" गाहा । पुरातना । एतीसे' विभासागाहाओ तिन्नि । सालीहि व वीहीहि व, इति उत्ते होति एतदुत्तं तु । सालीमादीयाणं, होति पगारा बहुविहा उ ॥३३०१॥ “सालीहिं व०" गाहा । कण्ठ्या । उक्खित्त भिन्नरासी, विक्खित्ते तेसि होति संबंधो । वितिकिण्णे सम्मेलो, विपइण्णे संथडं जाणे ॥३३०२॥ "उक्खित्त०" गाहा । कण्ठ्या ।
१. एगीसे अ इ ।