Jivajivabhigama Sutra Part 02

Author(s): Nemichand Banthiya, Parasmal Chandaliya
Publisher: Akhil Bharatiya Sudharm Jain Sanskruti Rakshak Sangh

Page 408

सर्व जीवाभिगम-सर्व जीव नवविध वक्तव्यता
३९१ ..................................••••••••••••••••••••••••••
सर्व जीव नवविध वक्तव्यता तत्थ णं जे ते एवमाहंसु-णवविहा सव्वजीवा पण्णत्ता ते एवमाहंसु, तंजहाएगिंदिया बेंदिया तेंदिया चउरिदिया णेरइया पंचेंदियतिरिक्खजोणिया मणूसा देवा सिद्धा॥
एगिदिए णं भंते! एगिदिएत्ति कालओ केवच्चिरं होइ? गोयमा! जहण्णेणं अंतोमुहुर्त उक्कोसेणं वणस्सइकालो, बेंदिए णं भंते!०? गोयमा! जहण्णेणं अंतोमुहुत्तं उक्कोसेणं संखेनं कालं, एवं तेइंदिएवि, चउरिदिएवि, णेरइया णं भंते!०? गोयमा! जहण्णेणं दस वाससहस्साई उक्कोसेणं तेत्तीसं सागरोवमाइं, पंचेंदियतिरिक्खजोणिए णं भंते!०? गोयमा! जहण्णेणं अंतोमुहुत्तं उक्कोसेणं तिण्णि पलिओवमाइं पुव्वकोडिपुहुत्तमब्भहियाइं, एवं मणूसेवि, देवा जहा णेरइया, सिद्धे णं भंते!०?
गोयमा! साइए अपज्जवसिए॥ ... एगिदियस्स णं भंते! अंतरं कालओ केवच्चिर होइ? गोयमा! जहणणेणं अंतोमुहुत्तं
उक्कोसेणं दो सागरोवमसहस्साई संखेजवासमंब्भहियाई, बेंदियस्स णं भंते! अंतरं कालओ केवच्चिरं होइ? गोयमा! जहण्णेणं अंतोमुहुत्तं उक्कोसेणं वणस्सइकालो, एवं तेंदियस्सवि चउरिदियस्सवि णेरइयस्सवि पंचेंदियतिरिक्खजोणियस्सवि मणूसस्सवि देवस्सवि सव्वेसिमेवं अंतरं भाणियव्वं, सिद्धस्स णं भंते! अंतरं कालओ०? गोयमा! साइयस्स अपज्जवसियस्स णत्थि अंतरं॥
. एएसि णं भंते! एगिंदियाणं बेइंदियाणं तेइंदियाणं चउरिदियाणं णेरइयाणं पंचेंदियतिरिक्खजोणियाणं मणूसाणं देवाणं सिद्धाणं य कयरे २....? गोयमा! सव्वत्थोवा मणुस्सा णेरड्या असंखेजगुणा देवा असंखेजगुणा पंचेंदियतिरिक्खजोणिया असंखेजगुणा चउरिदिया विसेसाहिया तेइंदिया विसेसाहिया बेइंदिया विसेसाहिया सिद्धा अणंतगुणा एगिंदिया अणंतगुणा॥२६९॥
भावार्थ - जो ऐसा प्रतिपादित करते हैं कि सर्वजीव नौ प्रकार के हैं। वे नौ भेद इस प्रकार हैं - एकेन्द्रिय, बेइन्द्रिय, तेइन्द्रिय, चउरिन्द्रिय, नैरयिक, पंचेन्द्रिय तिर्यंच, मनुष्य, देव और सिद्ध।