________________
| Huri Hu Hપો આપો ..
ધન્ય સાધુ જીવન ! સમગ્ર જીવનમાં પ્રભુની શરણાગતિ, દર્શન તો પ્રભુનું, સ્તવના તો પ્રભુની, કાનમાં શ્રવણ તો પ્રભુનું, વાંચના પ્રભુનું, લેખન પ્રભુનું, મનમાં સ્મરણ તો પ્રભુનું, રોમે રોમમાં સ્પંદન તો પ્રભુનું, બસ દરેક કર્મ પ્રભુ માટે. પ્રત્યેક કર્મના કર્તા પ્રભુ, બધું પ્રભુનું બધે પ્રભુ, બધામાં પ્રભુ, એક ક્ષણ પણ પ્રભુનો વિયોગ નહીં. અને સતત, સરલ અને સહજ રીતે પ્રભુ નિશ્રા, પ્રભુના સાનિધ્યનો સહજ યોગ. સ્વના અસ્તિત્વનો સર્વથા વિલય અને પૂર્ણ રૂપથી પ્રભુની શરણાગતિ. સંસારના સર્વ સંબંધો નો પૂર્ણવિશ્રામ અને પરમાત્માના સર્વ સંબંધોની શરણાગતિ ભાવથી બિનશરતી સ્વીકાર અને પરમાત્મામાં જ પૂર્ણવિશ્રામ.
શાશ્વત તીર્થાધિરાજ સિદ્ધગિરિરાજના પાવન ચરણોમાં મારી સમાધિ મૃત્યુ થઈ છે તથા મહાવિદેહમાં જન્મ થયો છે. માતાની સાથે હું પણ રોજ સમવસરણમાં પ્રભુની દેશના સાંભળુ છું. ૮ વર્ષની ઉંમર થતા જ પરમાત્માની ક્ષાયિક પ્રીતિ એવી થાય છે કે પરમાત્મા ના મુખના દર્શન વિના કેવી રીતે જીવી શકાય, કેવી રીતે રહી શકાય. અને દેશના પૂરી થતાં જ પરમાત્માની પાસે જઈને સર્વ વિરતિ આપવા માટે વિનંતી કરું છું. ઈચ્છકારી ભગવન પસાય કરી સર્વવિરતિ દંડક ઉચ્ચરાવોજી...
પ્રભુ કહે છે, અહો ! આ કેવા સુંદર નાના નાના બાળકો છે. એ સર્વવિરતિ માટે પ્રાર્થના કરી રહ્યા છે અને ત્યારે પરમાત્મા રજોહરણા પ્રદાન કરીને સર્વવિરતિ દંડક ઉચ્ચરાવે છે. કરેમિ ભંતે... અને જેવું જ રજોહરણ મારા હાથમાં આવ્યું મારા હૃદયનો આનંદ શબ્દ રુપે મારા મુખથી વ્યક્ત થયો. અહો ! અહો ! પ્રભુ ધન્ય ઘડી! ધન્ય દિવસ! ધન્ય ભાગ્યા મહા પુણ્યોદયથી, મહા સદભાગ્યથી આપે અપાર કરુણા કરી મને મહા કલ્યાણકારી મોક્ષના રાજમાર્ગ રુપ સર્વવિરતિ ધર્મ પ્રદાન કર્યો પ્રભુ મુજ સરીખા અબુઝ બાળક પર આપની કેવી દયા ? કેવી કરુણા, આપનો કેટલો પ્રેમ કે આટલું સુંદર જીવન આપ્યું. કેવી નિર્દોષતા કે કોઈપણ જીવની હિંસા નહીં. છ:કાયના જીવોને અભયદાન. કેવી નિષ્પાપતા કે જીવનમાં ૧૮ પાપસ્થાનકનું નામ જ નહીં. કેવી નિષ્કામતા કે મોક્ષ સિવાય બીજી કોઈ ઈચ્છા જ નહીં. જગતના સર્વ ઋણાનુબંધનો સર્વથા ત્યાગ અને એક માત્ર પ્રભુના ઋણાનુબંધમાં રહેવાનો અમૂલ્ય અવસર.
કોટિ કોટિ નમસ્કાર હો આ સાધુ જીવનને...!
