Jain Adarsh Prasango Part 13

Author(s): Bhadreshwarvijay
Publisher: Bhadreshwarvijay

Page 2

મારે કંઈક કહેવું છે.
માત્ર ૯ માસમાં આ તેરમાં ભાગની ત્રીજી આવૃત્તિ ખલાસ થઈ તે વિચારી પુસ્તકપ્રેમી દરેકે આનો પ્રચાર તથા પ્રકાશનમાં યથાશક્તિ લાભ લેવો જોઈએ.
નૂતન વર્ષાભિનંદન સહિત પ્રગટ થતા આ પુસ્તકમાં પ્રેરક શ્રેષ્ઠ પ્રસંગો વારંવાર મમળાવવાથી આત્માને પુષ્ટ કરશે. અનંતગુણી આતમાનો સહજ સ્વભાવ ગુણપ્રેમ છે. હળુકર્મી જીવોને બીજા ગુણીજનોને જોઈ, સાંભળી, આત્મિક આનંદ, પ્રસન્નતા, સ્કૂર્તિ પ્રગટે છે ! તેથી જ કાંઈક વિશિષ્ટ ધર્મ, ગુણો વગેરે આ પુસ્તકમાં વાંચી ઘણાં આ વારંવાર વાંચે છે. વત્તો-ઓછો ધર્મ જીવનમાં વધારે છે ! ન કરી શકનારને થોડું પણ હું કરતો નથી વગેરે વસવસો મનમાં રહ્યા કરે છે. એમ આ પુસ્તકો વાંચવાથી બધાને થોડો-ઘણો લાભ થાય છે !
આત્માર્થીઓએ પારમાર્થિક લાભ મેળવવા આ ઊંચા ધર્માત્માઓને સાચા દિલથી પ્રણામ કરી, એમના પ્રત્યે આદરબહુમાન ખૂબ વધારી આ બધી આરાધનાઓ પૈકી બધી કે ભાવઉલ્લાસ પ્રમાણે વત્તી-ઓછી સાધના કાયમ કે પર્વે કે ૪-૮ માસે કરવા સંકલ્પ કરવો. જે શક્ય હોય તેની નોંધ કરી તે ડાયરી રોજ કે અઠવાડિયે વાંચવી, જેથી જીવન ધર્મમય બનશે.
કલિકાળના વિષમ વાતાવરણમાં સર્વત્ર સ્વાર્થ અને પાપાચારો વધી રહ્યાં છે. ત્યારે આવા ધર્માત્માઓને ખૂબ ખૂબ ધન્યવાદ કે જે પોતાનું કલ્યાણ તો કરે છે, સાથે તેમના સદાચાર જોઈ, વાંચી અનેક ભવ્યોને આવી આરાધનાઓની વિશિષ્ટ પ્રેરણા મળે છે. પ્રસંગોની આ પુસ્તિકા વિષે ઘણાં કહી ગયાં કે પ્રસંગો ખૂબ સુંદર, પ્રેરણાદાયી છે. માત્ર વાંચવાથી પણ ઘણાંને હર્ષ, શ્રદ્ધા, પ્રેરણા, હિંમત, ઉલ્લાસ, અનુમોદના વગેરે ઘણાં લાભ થાય છે ! વાંચી સેંકડો ભાવિકોએ બીજાઓના આત્મહિત માટે આની સેંકડોમાં પ્રભાવના કરી છે.