Gyan Lochan evam Bahubali Stotram

Author(s): Vadirajkavi, Rajendra Jain, Vinod Jain, Anil Jain
Publisher: Gangwal Dharmik Trust Raipur

Page 31

जयति भरतराज प्रांशुमौल्यग्ररत्नोपललुलितनखेन्दुः स्रष्टुराद्यस्य सूनुः । भुजगकुलकलापैराकुलैर्नाकुलत्वं, धृतिबलकलितो यो, योगभृन्नैव भेजे ॥ 6 ॥
शितिभिरलिकुलाभैराभुजं लम्बमानैः पिहितभुजविटङ्को मूर्धजैर्वेल्लिताग्रैः । जलधरपरिरोध ध्याममूर्द्धेव भूध्रः श्रियमपुष-दनूनां दोर्बली य: स नोऽव्यात् ।। 7 ।।
स जयति हिमकाले यो हिमानीपरीतं, वपुरचल इवोच्चैर्विभ्रदाविर्बभूव । नवघनसलिलौधैर्यश्च धौतोऽब्दकाले, खरघृणिकिरणानप्युष्णकाले विषेहे ॥ 8 ॥
जगति जयिनमेनं योगिनं योगिवर्यै रधिगतमहिमानं मानितं माननीयैः ।
स्मरति हृदि नितान्तं य: स शान्तान्तरात्मा भजति विजयलक्ष्मी - माशु जैनीमजय्यां ॥ 9॥
इति श्रीबाहुबलिस्तोत्रम्
[ 23 ]