Book Title: Gram Panchayat ni Ghardiwadi
Author(s): T U Mehta, Ramesh M Shah
Publisher: Gujarat Panchayati Rajvikas Sangathan Ahmedabad
View full book text
________________
(૨)
(૪)
પંચાયતના હિસાબોનું ઓડિટ ગુજરાત લોકલ ફંડ ઓડિટ અધિનિયમ, ૧૯૬૨' હેઠળ થશે અને તે ઓડિટ પૂરું થયા પછી એક માસની અંદર તેની નકલ ગામ પંચાયતને તથા તાલુકા પંચાયતને મોકલવી જોઈશે. પંચાયતે ઓડિટ નોટમાં જણાવેલ ખામીઓ દૂર કરવી જોઈએ તેમ જ તે અંગેના ખુલાસા સહિતનો રીપોર્ટ ત્રણ માસની અંદર તાલુકા પંચાયતને મોક્લવો જોઈએ. તાલુકા પંચાયત તે ઉપરથી કરેલ ખુલાસો સ્વીકારીને વાંધો પાછો ખેંચી લેવા ક્લેક્ટરને ભલામણ કરે અગર ફરી તપાસ કરવા આદેશ આપે અગર ખામીઓ દૂર થઈ નથી તેમ ઠરાવે. તાલુકા પંચાયત પોતાનો રીપોર્ટ ક્લેક્ટરને મોકલશે અને જો તેણે એવું ઠરાવ્યું હોય કે ખામીઓ દૂર કરવામાં આવેલ નથી તો તે ખામીઓ દૂર કરી શકાય તેમ છે કે કેમ અને તે ખામીઓ માફ થઈ શકે તેવી ખામીઓ છે કે કેમ તે બધી બાબતનો રીપોર્ટ મોકલશે. સાથે ખામીઓ માટે સરચાર્જ લેવાને પાત્ર થાય છે કે કેમ તે પણ જણાવશે. બાદમાં ક્લેક્ટર આ રીપોર્ટ વિચારણામાં લેશે. જરૂર જણાય તો વધુ તપાસ કરશે અને કાયદા વિરુધ્ધ કંઈ થયાનું જણાય તો ગેરકાયદેસર નાણાં આપનાર વ્યક્તિ પાસેથી સરચાર્જ વસુલ કરી શકશે. આવી કસુરદાર વ્યક્તિ સભ્ય હશે તો તેની સામે ધારાની કલમ ૨૬૭ (૨) અને (૩) નીચે કાર્યવાહી કરીને તેની પાસેથી નુકસાનની રકમ વસુલ કરાશે અને જો કસુરદાર વ્યક્તિ સભ્ય ન હોય તો તેણે સરચાર્જની રકમ પંચાયતને ભરવાની રહેશે. તે ન ભરે તો તેની પાસેથી જમીન મહેસુલની બાકી તરીકે વસુલ કરીને ગામફંડમાં જમા કરાશે.
(૬)
