Book Title: Gram Panchayat ni Ghardiwadi
Author(s): T U Mehta, Ramesh M Shah
Publisher: Gujarat Panchayati Rajvikas Sangathan Ahmedabad
View full book text
________________
આવેદનપત્રનો ટૂંક સાર ૭૩માં બંધારણીય સુધારા અન્વયે સને ૧૯૯૩માં ગુજરાતના પંચાયત ધારામાં સુધારા વધારા કરવાની વિચારણા ચાલતી હતી ત્યારે ગુજરાત પંચાયતી રાજ વિકાસ સંગઠન તરફથી આ બાબતનું એક આવેદનપત્ર રાજ્યના માનનીય મુખ્યમંત્રીશ્રીને મોકલવામાં આવ્યું હતું. તથા તેની નકલો ગુજરાતના ધારાસભ્યો, તાલુકા/જીલ્લા પંચાયતના પ્રમુખો અને અન્ય આગેવાનોને મોકલવામાં આવી હતી. વળી “પ્રયોગ દર્શનમાં પણ તે પ્રગટ થયું હતું. આ આવેદન પત્રનો ટૂંક સાર નીચે આપ્યો છે. (૧) ગ્રામસભાને પંચાયતનું બજેટ મંજુર કરવા સહિતના વધુ અધિકાર આપીને મજબુત બનાવવી જોઈએ. (૨) સરપંચની ચૂંટણી સમગ્ર ગામના મતદારોએ કરવી જોઈએ. (૩) ત્રણેય સ્તરની પંચાયતોની ચૂંટણીઓને પક્ષીય ધોરણે લડાતી ચૂંટણી પદ્ધતિથી મુક્ત રાખવી જોઈએ. (૪) કોઈપણ ઉમેદવાર કે તેના ટેકેદારો પોતે ચૂંટણી ખર્ચ કરી શકે નહિ. ચૂંટણી કમિશનરે ઠરાવેલા ધોરણે ઉમેદવારે પોતાનો ફાળો કમિશનર હસ્તકના ચૂંટણી ફંડમાં જમા કરાવવો જેમાંથી ચૂંટણી કમિશનર ઉમેદવારો માટે માન્ય પ્રકારનો ખર્ચ કરશે. (૫) સૌથી વધારે માન્ય મત મેળવનાર ઉમેદવારને મળેલ મતો જો કુલ માન્ય મતોના ૪૦ ટકાથી ઓછા હોય તો તેવા મતદાર મંડળના કોઈપણ ઉમેદવારને ચૂંટાયેલો જાહેર કરી શકાશે નહિ. તેવી જોગવાઈ કરવી જોઈએ. (૬) કોઈપણ ઉમેદવાર મત મેળવવા પાત્ર નથી એવા નકારાત્મક મત આપવાની વ્યવસ્થા મતપત્રમાં હોવી જોઈએ. આવા નકારાત્મક મતની સંખ્યા ૫૦ ટકાથી વધારે હોય તો તેવા મતદાર મંડળના કોઈપણ ઉમેદવારને ચૂંટાયેલો જાહેર કરી શકાશે નહિ. (૭) પોતે ચૂંટેલા સદસ્યને પાછા બોલાવી લેવાનો અધિકાર (Right
