Book Title: Gram Panchayat ni Ghardiwadi
Author(s): T U Mehta, Ramesh M Shah
Publisher: Gujarat Panchayati Rajvikas Sangathan Ahmedabad
View full book text
________________
આર્થિક વ્યવસ્થા
ગ્રામ પંચાયતના નાણાંકીય સ્ત્રોતો નીચે મુજબ છે. (૧) ગામ પંચાયતે પોતે નાંખેલા કર, ઉપકર કે ફી (૨) ધૂળ, કચરો, છાણ અથવા પશુઓના મુડદાઓના વેચાણની ચોખ્ખી ઉપજ. (૩) ઢોરના ડબ્બાની ફી. (૪) કલમ ૨૦૩ અન્વયે પંચાયતે નાંખેલ વી.પી. સેસની રકમ જે રાજ્ય સરકાર વસુલ કરીને પંચાયતને આપે છે તે. (પ) બક્ષીસ અથવા લોકફાળાની રકમ. (૯) પંચાયતોના મકાનો, દુકાનોના ભાડાની આવક. (૭) અન્ય પરચુરણ આવક. (૮) વિકાસ કામો માટે જીલ્લા સમકારી ફંડ અને રાજ્ય સમકારી ફંડમાંથી મળતી ગ્રાન્ટ. (૯) કરવેરાની આવક વધારનાર પંચાયતને જીલ્લા ગ્રામ ઉત્તેજક ફંડમાંથી મળતી પ્રોત્સાહક ગ્રાન્ટ. (૧૦) વિકાસ કામો કરવા માટે જીલ્લા વિકાસ ફંડમાંથી મળતી લોનની રકમ. (૧૧) જમીન મહેસુલની વસુલાતમાંથી ફાળે આવતી ગ્રાન્ટ. (૧૨) તાલુકા પંચાયત, જીલ્લા પંચાયત, વિકાસ કમિશનર કે રાજ્ય સરકારના વિવિધ ખાતાઓની યોજનાઓ માટે મળતી રકમો. વિકાસ યોજનાઓ ગામ પંચાયત ગામના સામૂહિક વિકાસ માટે, ગામના પછાત અને દલિત વર્ગોની ઉન્નતિ માટે કુટુંબલક્ષી કે વિસ્તારલક્ષી યોજનાઓનો લાભ પોતાની હકુમતનાં ગામ કે ગામોને અને તેમાં રહેતા યોગ્ય લાભાર્થીઓને મળે તે જોવું જોઈએ. આ માટે નીચેની વિગતો ઉપયોગી થશે.
૪૧
