Book Title: Gram Panchayat ni Ghardiwadi
Author(s): T U Mehta, Ramesh M Shah
Publisher: Gujarat Panchayati Rajvikas Sangathan Ahmedabad
View full book text
________________
(૪) ઉપસરપંચની ચૂંટણી અંગેની નોટીસ જો તેને અધિકૃત કરેલ હોય તો સેક્રેટરીએ કાઢવી અને બજાવવી. (પ) પંચાયતના હોદેદારો કે સદસ્યોની જગા ખાલી પડે ત્યારે સમયસર યોગ્ય અધિકારીને તેની જાણ કરવી. બેઠકો અંગે કામગીરી (૧) ઉપસરપંચની ચૂંટણી પછીની પંચાયતની બેઠકમાં નીચેની કામગીરી કરાવવી.
(ક) સમિતિઓની રચના અને અધિકારોની સોંપણી
(ખ) નાણાંની લેવડદેવડ અંગે સરપંચ અને બે સભ્યોને અધિકૃત કરતો ઠરાવ. (૨) પંચાયતની બેઠક દર મહિને ભરવી (૩) બેઠક અંગેની કાર્યસૂચિ સરપંચ સાથે વિચાર વિનિમય કરીને નક્કી કરવી. આ અંગે સરપંચનો નિર્ણય આખરી ગણાશે. (૪) દરેક બેઠકની નોટીસ કાર્યસૂચિ સાથે સભ્યોને સમયસર બજાવવી તથા નોટીસ બોર્ડ ઉપર તે પ્રસિદ્ધ કરવી. (૫) પંચાયતની તથા તેની સમિતિઓની બેઠકમાં હાજરી આપવી, માહિતી પૂરી પાડવી, સલાહસૂચનો આપવાં, સભ્યો તરફથી આવેલ પ્રશ્નો, પ્રસ્તાવ બેઠકમાં રજુ કરવાં, કાયદા અને નિયમ બહારની કાર્યવાહી માટે પંચાયતનું ધ્યાન દોરી તે પ્રમાણેની નોંધ કરવી. (૬) પંચાયતની બેઠકની કાર્યવાહીની નકલ તૈયાર કરીને તેની નકલ નિયત મુદતમાં તાલુકા / જીલ્લા પંચાયતને મોકલવી. (૭) પંચાયતના અગત્યના નિર્ણયોની સૂચના નોટીસબોર્ડ ઉપર પ્રસિદ્ધ કરવી. (૮) પંચાયતની, તેની સમિતિઓની તથા ગ્રામસભાની બેઠકોની કાર્યાવાહીની નોંધ તેમાં થયેલા ઠરાવો સહિત નિયત રજીસ્ટરમાં રાખવી. (૯) પંચાયતની, તેની સમિતિઓની તથા ગ્રામસભાની બેઠકોમાં હાજર રહેલા સભ્યોની સહીઓ નિયત રજીસ્ટરમાં લેવી.
૩૫
