Fault Is Of The Sufferer Oriya

Author(s): Dada Bhagwan
Publisher: Dada Bhagwan Aradhana Trust

Page 12

ଯିଏ ଭୋଗେ ତା’ର ଭୁଲ
୫
ସମାଧାନ ହୋଇଯିବ ଆଉ ଅନ୍ୟଟି ‘ବ୍ୟବସ୍ଥିତ’ ବୁଝିବା ଦ୍ଵାରା ଆଉ ଅଧା ପଜିଲ୍ ମଧ୍ୟ ସମାଧାନ ହୋଇଯିବ । ନିଜକୁ ଯେଉଁ ଦୁଃଖ ଭୋଗିବାକୁ ପଡ଼ୁଛି, ତାହା ନିଜର ହିଁ ଦୋଷ ଅଟେ, ଅନ୍ୟ କାହାର ଦୋଷ ନୁହେଁ । ଯିଏ ଦୁଃଖ ଦିଏ, ତା’ର ଭୁଲ ନାହିଁ । ଯିଏ ଦୁଃଖ ଦିଏ ତା’ର ଭୁଲ ସଂସାରରେ ଏବଂ ‘ଯିଏ ଭୋଗେ ତା’ର ଭୁଲ’ ଭଗବାନଙ୍କ କାନୁନରେ ।
ପ୍ରଶ୍ନକର୍ତ୍ତା : ଦୁଃଖ ଦେବାବାଲାକୁ ଭୋଗିବାକୁ ତ ପଡ଼ିବ ନା ? ଦାଦାଶ୍ରୀ : ପରେ ଯେବେ ସେ ଭୋଗିବ, ସେ ଦିନ ତା’ର ଭୁଲ ଗଣାଯିବ, କିନ୍ତୁ ଆଜି ତ ତୁମର ଭୁଲ ଧରା ପଡ଼ିଛି ।
ଭୁଲ, ବାପର ନା ପୁଅର ?
ଜଣେ ବାପ ଅଛି, ତା’ ପୁଅ ରାତି ଦି’ଟାରେ ଘରକୁ ଫେରେ । ଏମିତି ତ ପଚାଶ ଲକ୍ଷର ମାଲିକ । ବାପ ପୁଅର ରାସ୍ତା ଚାହିଁ ବସିଥାଏ ଯେ ସେ ଆସିଲା ନା ନାହିଁ ? ଆଉ ଭାଇ ଆଶିଲେ ସେତେବେଳେ ଟଳମଳ ହୋଇ ଘରକୁ ପଶିଲେ । ବାପ ପାଞ୍ଚ-ସାତ ଥର ବୁଝାଇବା ପାଇଁ ଚେଷ୍ଟା କଲା, ତେବେ ପୁଅ ଶୁଣେଇ ଦେଲା । ଏଥପାଇଁ ଚୁପ୍ ହୋଇ ଫେରି ଆସିଲେ । ପୁଣି ମୋ ପରି ଯଦି କହିବ ଯେ, ‘ଛାଡ଼ ନା ଝଝଟ, ମୁର୍ଖକୁ ପଡ଼ି ରହିବାକୁ ଦିଅ ନା! ତୁମେ ଶୋଇଯାଅ ନା ଆରାମରେ ।’ ତେବେ କୁହେ ‘ପୁଅ ତ ମୋର ନା!’ ନିଅ ! ମାନ ଯେମିତି ତା’ କୋଳରୁ ହିଁ ଜନ୍ମ
ହୋଇଛି !
ପୁଅ ତ’ ଆସି ଶୋଇ ପଡ଼ୁଛି । ପୁଣି ମୁଁ ବାପକୁ ପଚାରିଲି, ‘ପୁଅ ଶୋଇଯିବା ପରେ ତୁମେ ଶୋଇଯାଉଛ ନା ନାହିଁ ? ’ ତେବେ କହିଲା, ‘ମୋତେ କେମିତି ନିଦ ଆସିବ ? ! ଏ ମଇଁଷି ତ ମଦ ପିଇ ଆସୁଛି ଆଉ ଶୋଇଯାଉଛି କିନ୍ତୁ ମୁଁ କ’ଣ ମଇଁଷି ? ’ ମୁଁ କହିଲି, ‘ସେ ତ ସିଆଣିଆ ଅଟେ ।’ ଦେଖ, ଏ ସିଆଣିଆ ମାନେ ଦୁଃଖୀ ହୁଅନ୍ତି ! ପୁଣି ମୁଁ ତାଙ୍କୁ କହିଲି, ‘ଯିଏ ଭୋଗେ ତା’ର ଭୁଲ । ସେ ଭୋଗୁଛି ନା ତୁମେ ଭୋଗୁଛ ?’ ସେତେବେଳେ କହିଲେ, ‘ଭୋଗୁଛି ତ ମୁଁ ହିଁ ! ରାତିସାରା ଉଜାଗର...’ ମୁଁ କହିଲି, ‘ତା’ର ଭୁଲ ନାହିଁ, ଏହା ତୁମର ଭୁଲ । ତୁମେ ପୂର୍ବ ଜନ୍ମରେ ତା’କୁ ବିଗାଡ଼ିଥିଲ, ତାହାର ଏହି ପରିଣାମ ଆସିଛି । ତୁମେ ବିଗାଡ଼ିଥିଲ,