Fault Is Of The Sufferer Oriya

Author(s): Dada Bhagwan
Publisher: Dada Bhagwan Aradhana Trust

Page 17

ଯିଏ ଭୋଗେ ତା’ର ଭୁଲ କ’ଣ ବୁଝିଲେ ଯେ ଭଗବାନଙ୍କ ସଭା ଆଉ ରହିଲା ନାହିଁ । ପୁଣି ଲୋକମାନଙ୍କୁ ଭଗବାନ ଉପରେ ଆସ୍ଥା ରୁହେ ନାହିଁ । ଏପରି ନୁହେଁ । ଏସବୁ ହିସାବ ଚାଲୁଅଛି । ଏହା ଗୋଟିଏ ହିଁ ଜନ୍ମର କଥା ନୁହେଁ । ଆଜି ସେ ମହିଳା ଜଣଙ୍କର ଭୁଲ ଧରା ପଡ଼ିଗଲା, ସେଥିପାଇଁ ତା’କୁ ଭୋଗିବାକୁ ପଡ଼ିଲା । ଏସବୁ ନ୍ୟାୟ । ସେ ସ୍ତ୍ରୀ ଲୋକ ଉପରେ ଗାଡ଼ି ଚଢ଼ିଗଲା, ତାହା ନ୍ୟାୟ । ଅର୍ଥାତ୍ ଏ ଜଗତ ନିୟମ ସହିତ ଅଛି । ସଂକ୍ଷେପରେ ବାସ୍ ଏତିକି ହିଁ କହିବାର ଅଛି ।
। ଯଦି ସେ ଡ୍ରାଇଭରର ଭୁଲ ଥାଆନ୍ତା ତେବେ ସରକାରର କଡ଼ା କାନୁନ ଥାଆନ୍ତା, ଏତେ କଡ଼ା ଯେ ସେ ଡ୍ରାଇଭରକୁ ସେଇଠି ହିଁ ଛିଡ଼ା କରି ଗୁଳିରେ ଉଡ଼ାଇ ମାରି ଦେଇଥାନ୍ତେ । କିନ୍ତୁ ଏହା ତ ସରକାର ମଧ୍ୟ କହୁନାହିଁ, କାହିଁକିନା କାହାକୁ ମାରି ପାରିବା ନାହିଁ । ବାସ୍ତବରେ ସେ ଦୋଷୀ ନୁହେଁ, ସେ ନିଜେ ନୂଆ ଦୋଷ ସୃଷ୍ଟି କଲା,
ସେ ଦୋଷ ଯେବେ ସେ ଭୋଗିବ ତେବେ, କିନ୍ତୁ ସେ ତୁମକୁ ଦୋଷରୁ ମୁକ୍ତ କଲା । ତୁମେ ଦୋଷମୁକ୍ତ ହେଲ । ସେ ଦୋଷରେ ଛନ୍ଦି ହୋଇଗଲା । ଏଣୁ ମୁଁ ସବୁଦ୍ଧି ଦେବା ପାଇଁ କହିଛି ଯେ ଦୋଷୀ ହୁଅ ନାହିଁ ।
ଏକ୍ସିଡେଣ୍ଟ ମାନେ ତ... । ଏ କଳିଯୁଗରେ ଏକ୍ସିଡେଣ୍ଟ( ଦୁର୍ଘଟଣା,ଅକସ୍ମାତ) ଆଉ ଇନ୍ସିଡେଣ୍ଟ( ଘଟଣା) ଏତେ ସବୁ ହେଉଛି ଯେ ମଣିଷ ଭ୍ରମରେ ପଡ଼ି ଯାଉଛି । ଏକ୍ସିଡେଣ୍ଟ ମାନେ କ’ଣ ? ‘ତୁ ମେନି କଜେଜ୍ ଏଟ ଏ ଟାଇମ’(ଅସଂଖ୍ୟ କାରଣ ଏକ ସଙ୍ଗରେ ଏକ ସମୟରେ) ଆଉ ଇନ୍ସିଡେଣ୍ଟ ମାନେ କ’ଣ ? ‘ସୋ ମେନି କଜେଜ୍ ଏଟ ଏ ଟାଇମ’(ବହୁତ କାରଣ ଏକ ସଙ୍ଗରେ ଏକ ସମୟରେ) । ଏଥିପାଇଁ ମୁଁ କୁହେ ଯେ ‘ଯିଏ ଭୋଗେ ତା’ର ଭୁଲ’ ଆଉ ସାମ୍ବାବାଲା ଯେବେ ଧରାପଡ଼ିବ, ସେତେବେଳେ ତା’ର ଭୁଲ ବୋଲି ବୁଝାଯିବ ।
ଏମାନେ ତ, ଯିଏ ଧରା ପଡ଼ିଗଲା ତା’କୁ ଚୋର କୁହନ୍ତି । ଯେମିତି ଅଫିସରେ ଜଣେ ବ୍ୟକ୍ତି ଧରା ପଡ଼ିଗଲା, ତା’କୁ ଚୋର କୁହନ୍ତି, ତେବେ କ’ଣ ଅଫିସରେ ଆଉ କେହି ଚୋର ନାହାନ୍ତି ?
ପ୍ରଶ୍ନକର୍ତ୍ତା : ସମସ୍ତେ ଅଟନ୍ତି ।