Fault Is Of The Sufferer Oriya

Author(s): Dada Bhagwan
Publisher: Dada Bhagwan Aradhana Trust

Page 22

ଯିଏ ଭୋଗେ ତା’ର ଭୁଲ
୧୫
ପ୍ରଶ୍ନକର୍ତ୍ତା : ଠିକ କଥା ।
ଦାଦାଶ୍ରୀ : କେହି ତୁମକୁ ଦୁଃଖ ଦେଉଥ‌ିବ ତେବେ ତା’ର ଭୁଲ ନାହିଁ କିନ୍ତୁ ଯଦି ତୁମେ ଦୁଃଖ ଭୋଗୁଛ, ତେବେ ତାହା ତୁମର ଭୁଲ । ଏହା ପ୍ରକୃତିର ନିୟମ ଅଟେ । ଜଗତର କାନୁନ କିପରି ଅଟେ ? ଯିଏ ଦୁଃଖ ଦିଏ, ତା’ର ଭୁଲ । ଏହି ସୂକ୍ଷ୍ମକଥା ବୁଝିବା ତେବେ ସ୍ପଷ୍ଟ ହେବ ନା, ତେବେଯାଇ ମଣିଷକୁ ସମାଧାନ ରହିବ ।
ଉପକାରୀ, କର୍ମରୁ ମୁକ୍ତି ଦେବାବାଲା
ଏ ତ ବୋହୂ ମନରେ ଏପରି ଅଭିପ୍ରାୟ ବସିଯାଏ ଯେ, ମୋ ଶାଶୁ ମୋତେ ହଇରାଣ କରୁଛି । ଏହି କଥା ତା’କୁ ରାତି-ଦିନ ମନେ ରୁହେ ନା ଭୁଲିଯାଏ ? ପ୍ରଶ୍ନକର୍ତ୍ତା : ମନେ ରୁହେ ।
ଦାଦାଶ୍ରୀ : ରାତି-ଦିନ ମନେ ରୁହେ । ଏଣୁ ପୁଣି ଶରୀର ଉପରେ ମଧ୍ୟ ପ୍ରଭାବ ପଡ଼େ । ପୁଣି ଅନ୍ୟ କିଛି ଭଲ ଜିନିଷ ବି ତା’କୁ ଦେଖାଯିବ ନାହିଁ । ଏଥପାଇଁ ମୁଁ ତା’କୁ କ’ଣ ବୁଝାଏ ଯେ ୟାକୁ ଭଲ ଶାଶୁ ମିଳିଲା, ୟାକୁ ମଧ୍ୟ ଭଲ ଶାଶୁ ମିଳିଲା ଆଉ ତୁମକୁ ଏମିତି ଶାଶୁ କ’ଣ ପାଇଁ ମିଳିଲା ? ଏହା ତ ତୁମର ପୂର୍ବଜନ୍ମର ହିସାବ ଅଟେ, ଏବେ ପରିଶୋଧ କରିଦିଅ । କିଭଳି ପରିଶୋଧ କରିବାକୁ ହେବ, ତାହା ମଧ୍ୟ ମୁଁ ବତାଇ ଦିଏ, ଫଳରେ ସେ ସୁଖୀ ହୋଇଯିବ । କାହିଁକିନା ତା’ ଶାଶୁ ଦୋଷୀ ନୁହେଁ । ଯିଏ ଭୋଗୁଛି, ତା’ର ଭୁଲ । ଅର୍ଥାତ୍ ସାମ୍ନାବାଲାର ଦୋଷ ନାହିଁ ।
ଜଗତରେ କାହାର ଦୋଷ ନାହିଁ, ଦୋଷ ବାହାର କରିବାବାଲାର ଦୋଷ । ଜଗତରେ କେହି ଦୋଷୀ ହିଁ ନାହିଁ । ସବୁ ନିଜ–ନିଜ କର୍ମର ଉଦୟରୁ ହିଁ ଅଟେ । ଯାହା ବି ଭୋଗୁଛେ, ତାହା ଆଜିର ଦୋଷ ନୁହେଁ । ପୂର୍ବଜନ୍ମର କର୍ମର ଫଳସ୍ଵରୂପ ସବୁ ହେଉଅଛି । ଆଜି ତ ତା’କୁ ପଶ୍ଚାତାପ ହେଉଛି କିନ୍ତୁ କଣ୍ଟ୍ରାକ୍ଟ(ଚୁକ୍ତି) ହୋଇ ସାରିଛି, ଏବେ କ’ଣ କରିହେବ ? ତାହାକୁ ପୂରା କରିବା ବିନା ଚାରା ହିଁ ନାହିଁ ।
ଏ ଦୁନିଆରେ, ଯଦି ତୁମକୁ କାହାର ଭୁଲ ଖୋଜି ବାହାର କରିବାର ଧୂବ ତେବେ, ‘ଯିଏ ଭୋଗୁଛି, ତା’ର ଭୁଲ ।’ ବୋହୂ ଶାଶୁକୁ ଦୁଃଖ ଦେଉଥାଉ ଅବା ଶାଶୁ