Chandra Pragnapti Surya Pragnapti Sutra

Author(s): Nemichand Banthiya, Parasmal Chandaliya
Publisher: Akhil Bharatiya Sudharm Jain Sanskruti Rakshak Sangh

Page 66

चन्द्रप्रज्ञप्ति सूत्र से सूरे तेणं चेव णक्खत्तण जोयं जोएइ तंसि देससि ॥ ६७ ॥ ता जया णं इम चंदे गइसमावण्णए भवइ तया णं इयरेवि चंदे गइसमावण्णए भवइ, जया णं इयरे चंदे गइसमावण्णए भवइ तया णं इमेवि चंदे गइसमावण्णए भवइ, ता जया णं इमे सूरिए गइसमावण्णे भवइ तया णं इयरेवि सूरिए गइसमावण्णे. भवह, जया णं इयरे सूरिए गइसमावण्णे भवइ तया णं इमेवि सूरिए गइसमावण्णे भवइ एवं गहेवि णक्खत्तेवि, ता जया णं इमे चंदे जुत्ते जोगेणं भवइ तया णं इयरेवि चंदे जुत्ते जोगेणं भवइ, जया णं इयरे चंदे जुत्ते जोगेणं भवइ तया णं इमेवि चंदे जुत्ते जोगेणं भवइ, एवं सूरेवि गहेवि णक्खत्तेवि, सयावि णं चंदा जुत्ता जोगेहि सयावि णं सूरा जुत्ता जोगेहि सयावि णं गहा जुत्ता जोगेहिं सयावि णं णवत्ता जुत्ता जोगेहिं दुहओवि णं चंदा जुत्ता जोगेहिं दुहओवि णं सूरा जुत्ता जोगेहि दुहओवि गं गहा जुत्ता जोगेहि दुहओवि णं णक्खत्ता जुत्ता जोगेहि, मंडलं सयसहस्सेणं अट्ठाणउयाए सएहिं छेत्ता । इच्चेस णक्खत्ते खेत्तपरिभागे णक्खत्तविजए पाहुड़ेति आहिएत्ति-बेमि ॥ ६८ ॥ दसमस्स पाहुडस्स बावीसइमं पाहुडपाहुडं समत्तं ॥१०-२२।। दसमं पाहुडं समत्तं ॥१०॥
एक्कारसमं पाहुडं . - ता कहं ते संवच्छराणाई आहिएति वएजा ? तत्थ खलु इमे पंच संवच्छरा पण्णत्ता, तंजहा-चंदे २ अभिवडिए चंदे अभिवहिए, ता एएसिणं पंचण्हं संवच्छराणं पढमस्स चंदसंवच्छरस्स के आई आहिएति वएजा ? ता जे णं पंचमस्स अभिवडियसंवच्छरस्स पजवसाणे से णं पढमस्स चंदसंवच्छरस्स आई अणंतरपुरक्खडे समए, ता से णं किं पजवसिए आहिएति वएना ? ता जे णं दोच्चस्स चंदसंवच्छरस्स आई से णं पढमस्स चंदसंवच्छरस्स पजवसाणे अणंतरपच्छाकडे समए, तं समयं च णं चंदे केणं णक्खत्तण (जोगं) जोएइ ? ता उत्तराहिं आसादाहिं, उत्तराणं आसाढाणं छदुवीसं मुहुत्ता छदुवीसंच बावट्ठिभागा मुहुत्तस्स बावट्ठि भागं च सत्तट्टिहा छेत्ता चउप्पण्णं चुणियाभागा सेसा, तं समयं च णं सूरे केणं णक्खत्तेणं जोएइ १ ता पुणव्वसुणा, पुणव्वसुस्स सोलस मुहुत्ता अट्ट य यावट्ठिभागा मुहुत्तस्स बावविभागं च सत्तट्ठिहा छेत्ता वीसं चुणियाभागा सेसा। ता एएसि णं पंचण्हं संवच्छराणं दोच्चस्स चंदसंवच्छरस्स के आई आहिएति वएजा ? ता जे णं पढमस्स चंदसंवच्छरस्स पजयसाणे से णं दोच्चस्स चंदसंवच्छरस्स आई अणंतर