Chandra Pragnapti Surya Pragnapti Sutra

Author(s): Nemichand Banthiya, Parasmal Chandaliya
Publisher: Akhil Bharatiya Sudharm Jain Sanskruti Rakshak Sangh

Page 94

चन्द्रप्रज्ञप्ति सूत्र
८४
भारिया, सद्धिं सिंगारागार चारुवेसाए संगयगयहसिय भणियचिट्टियसंलाव विलासणिउ जुत्तोवयारकुसलाए अणुरत्ताविरत्ताए मणाणुकूलाए एगंतरइपसत्ते अण्णत्थ कच्छइ मगं अकुब्वमाणे इट्ठे सद्दफरि सरसरूवगंधे पंचविहे माणुस्सर कामभोगे पञ्चणुभवमाणे विहरिज्जा, ता से णं पुरि से विउसमणकालसमयंसि केरिसयं सायासोक्खं पञ्चणुभवमाणे विहरइ ? उरालं समणाउसो !, ता तस्स णं पुरिसम्स कामभोगेहिंतो एत्तो अणंतगुणविसिङ्कतरा चेव वाणमंतराणं देवाणं कामभोगा, वाणमंतराणं देवाणं कामभोगाहिंतो अनंतगुणवि सिद्वतरा चेव असुरिंदवज्जियाणं भवणवासीणं देवाणं कामभोगा असुरिंदवज्जियाणं० देवाणं कामभोगेहिंतो अनंतगुणविसिद्वतरा चेव असुरकुमाराणं इंदभूयणं देवाणं कामभोगा, असुरकुमाराणं० देवाणं कामभोगेहिंतो ० गहगणगक्खत्ततारारूवाणं कामभोगा, गहगणणक्खत्ततारारूवाणं कामभोगेहिंतो अनंतगुणविसितरा चेव चंदिमसूरियाणं देवाणं कामभोगा, ता एरिसए णं चंदिमसूरिया जोइर्मिंदा जोइसरायाणो कामभोगे पञ्चणुभवमाणा विहरंति ॥ १०५ ॥ तत्थ खलु ईमे अट्ठासीई महग्गहा पण्णत्ता, तं० - इंगालए वियालए लोहियंके सणिच्छरे आहुगिए पाहुणिए कणे कण कणकणए कणवियाणए १० कणगसंताणे सोमे सहिए आसासणे कज्जोवए कव्वरए अयकरए दुंदुभए संखे संखणाभे २० संखवण्णाभे कंसे कंसणा कंसवण्णा णीले णीलोभासे रुप्पे रुप्पोभासे भासे भासरासी ३० तिले तिलपुफवण्णे दगे दगवण्णे काए बंधे इंदग्गी धूमकेऊ हरी पिंगलए ४० बुहे मुक्के बहस्सई राहू अगत्थी माणवर कामफासे धुरे पमुहे वियडे ५० विसंधी कप्पेल्लए पइल्ले जडियालए अरुणे अग्गिल्लए काले महाकाले सोत्थिए सोवन्थिए ६० वद्धमाणगे पलंबे णिच्चालोए णिच्चुज्जोए सयंपभे ओभार्से सेयंकरे खेमंकरे आभकरे पiकरे ७० अर विरए असोगे विसोगे विमले विवत्ते विवत्थे विसाले साले सुव्वए ८० अणियट्टी अणाविए एगजडी दुजडी करकरिए रायग्गले पुष्पकेऊ भावकेऊ ८८ ॥१०६॥ वीसइमं पाहुडं समत्तं ॥ २० ॥
इइ एस पाहुडत्था अभव्वजणहिययदुल्लहा इणमो । उक्कित्तिया भगवया जोइसरायस्स पण्णत्ती ॥१॥ एस गहियावि संता थद्धे गारवियमाणिपडिणीए । अब हुस्सुए ण देया तव्विवरीए भवे देया ॥ २ ॥ सद्धाधिइउद्वाणुच्छाहकम्मबलवीरियपुरिसकारेहिं। जो सिक्खिओवि संतो अभायणे परिकहेजाहि ॥ ३ ॥ सो पवयणकुलगणसंघबाहिरों णाणविणयपरिहीणो । अरहंतथेरगणहरमेरं किर होइ बोलीणो ॥ ४ ॥