Chandra Pragnapti Surya Pragnapti Sutra

Author(s): Nemichand Banthiya, Parasmal Chandaliya
Publisher: Akhil Bharatiya Sudharm Jain Sanskruti Rakshak Sangh

Page 86

७६
चन्द्रप्रज्ञप्ति सूत्र सयराई सहस्साई परिरओ तस्स । अहियाई उच्च पंचुत्तराई कालोयहिवरस्स ॥१॥ बायालीमं चंदा बायालीमं च दिणयरा दित्ता । कालोयहिंमि एए चरंति संबद्धलेसागा ॥२॥णक्खत्तसहस्सं एगमेव छावत्तरं च सयमण्णं । छच्च सया छण्णउया महगगहा तिण्णि य सहस्सा ॥३॥ अट्ठावीसं कालोयहिमि बारस य सहस्साई । णव य सया पण्णासा तारागणकोडिकोडीणं ॥ ४ ॥" ता कालोयं णं समुदं पुक्खरवरे णाम दीवे वट्टे वलयागारसंठाणसंठिए सव्वओ समंता संपरिक्खित्ताणं चिट्ठइ, ता पुक्खरवरे णं दीवे किं समचक्कवालसंठिए विसमचकवालमंठिए ? ता समचकवालसंठिए णो विसमचकवालसंठिए, ता पुक्खरवरे णं दीवे केवइयं समचक्वालविक्खभेणं केवइयं परिक्खेवेणं० १ ता सोलस जोयणसयसहस्साई चकवालविक्खंभेणं एगा जोयणकोड़ी बाणउई च सयसहस्साई अउणावण्णं च सहस्साइं अट्ठचउणउए जोयणसए परिक्खेवेणं आहिएति वएजा, ता पुक्खरवरे णं दीवे केवइया चंदा पभासेंसु वा ३ पुच्छा तहेव, ता चोयालचंदसयं पभासेंसु वा ३, चोत्तालं सूरियाणं सर्य तवसु वा ३, चत्तारि सहस्साई बत्तीसं च णक्खत्ता जोयं जोएंसु वा ३, बारस सहस्साई छच्च बावत्तरा महग्गहसया चारं चरिंसु वा ३, छण्णउइसयसहस्साई चोयालीसं सहस्साइं चत्तारि य सयाई तारागणकोडिकोडीणं सोमं सोभिंसु वा ३, "कोडी बाणउई खलु अउणाणउइं भवे सहस्साइं। अट्ठसया चउणउया य परिरओ पोक्खरवरस्स ॥१॥ चोत्तालं चंदसयं चत्तालंचेव सूरियाण सयं । पोक्खरवरदीवम्मि चरंति एए पभासंता ॥ २॥ चत्तारि सहस्साइं छत्तीसं चेव हुंति णवत्ता । छच्च सया बावत्तर महमाहा बारह सहस्सा ॥ ३ ॥ छण्णउइ सयसहस्सा चोत्तालीसं खलु भवे सहस्साई । चत्तारि य सया खलु तारागणकोडिकोडीणं ॥ ४ ॥" ता पुक्खरवरस्स णं दीवस्स० बहुमज्झदेसभाए माणुसुत्तरे णामं पव्वए वलयागारसंटाणसंठिए जे णं पुक्खरवरं दीवं दुहा विभयमाणे २ चिट्ठइ, तंजहा-अभितरपुम्खरद्धं च बाहिरपुक्खरद्धं च, ता अभितरपुक्खरद्धे णं किं समचकवालसंठिए विसमचकवालसंठिए ? ता समचक्वालसंठिए णो विसमचक्वालसंठिए, ता आभिंतरपुक्खरद्धे णं केवइयं चकवालविक्खंभेणं केवइयं परिक्खेवेणं आहिएति वएजा ? ता अट्ट जोयणसयसहस्साई चक्कवालविक्खंभेणं एक्का जोयणकोडी बायालीसं च सयसहस्साई तीसं च सहस्साइं दो अउणापण्णे जोयणसए परिक्खेवेणं आहिएति वएजा, ता अभितरपुक्खरद्धे णं केवइया चंदा पभासेंसु वा ३ केवइया सूरा तविंसु वा ३ पुच्छा, ता बावत्तरि चंदा पभासिंसु वा ३, बावत्तरि सूरिया तवइंसु वा ३, दोण्णि