________________
ક્યારેક શાંત પળોમાં પ્રભુ પાસે બેસીને કર્યા કારવ્યાનો એકરાર કરવા જેવો છે! કરવાનું કેટલું કર્યું? એનાથી મન ભર્યું? કર્તૃત્વનું અજ્ઞાન ખર્યું? પ્રભુ સાથે માંડીને વાત કરો. પ્રભુ સાથે વાત એ ગાંઠોને છોડવાની વાટ છે! ગાંઠોને ઓગાળવા માટે આ જીવન છે! નવી ગાંઠો બંધાય નહીં... એની સતત કાળજી રાખીને જીવવાનું છે. ગ્રંથિભેદ એ જ સમ્યક્ માર્ગ છે, એ જ મોક્ષ આપનાર પ્રક્રિયા છે. ગ્રંથોના ભેદ તો ઘણાં કર્યાં જે આખરે પંથોના ભેદ સુધી પહોંચી ગયા... પણ ગ્રંથિનો ભેદ ગ્રંથિનો છેદ ક્યારે કરશું?
૧.
૨.
કૃપાદૃષ્ટિ (ઢાળ : પ્રેમળ જ્યોતિ તારો દાખવી)
કૃપાદૃષ્ટિ તારી દાખવી પ્રભુ કરજો મુજ ઉદ્ધાર
આજ લગી રખડ્યો સંસારે ને, ભક્તિ કરી ના લગાર; મોહ માયામાં ડૂબી ગયો ને, ભૂલી ગયો કિરતાર; હવે ભૂલવું નથી પળવાર... કૃપા
અઢાર પાપ-સ્થાનક સેવ્યાં ને, લીધાં નહીં વ્રત બાર; કર્મનો બોજો વધ્યો ઘણો તેની, વેદના અપરંપાર;
હવે આવ્યો છું તુજ દ્વાર... કૃપા
૧૦૮ * ભીતરનો રાજીપો
