Bhitarno Rajipo

Author(s): Vijay Hathisingh Shah
Publisher: Vijay Hathisingh Shah

Page 118

૪૧. પરજનનાં દુઃખ જોઈને જે, કરશે મદદ અપાર રે;
પ્રભુ ધ્યાન તેનું કાયમ રાખે, શંકા નહીં લગાર રે.. કર્મરાય.
૪૨. સાધના કરશે સમ્યભાવે મનથી સંયમ તપની રે,
પુણ્યોદયથી મોક્ષમાર્ગની ફળશે, તેની લગની રે.. કર્મરાય.
૪૩. જિન આજ્ઞાને શિર ધરીને, વરતે તે અનુસાર રે,
મોક્ષમાર્ગ તેને મળશે જલદી, પ્રભુની કરુણા અપાર રે.. કર્મરાય.
૪૪. પ્રભાતે ઊઠી ભાવની સાથે, સ્મરણ પ્રભુનું કરશે રે;
ધન્ય દિવસ તેનો થશે ને, સકળ મનોરથ ફળશે રે.. કમરાય.
કરેલું કશું જ નિરર્થક કે નિષ્ફળ જતું નથી! કર્મોનાં ફળ ભોગવવાં પડે છે. આજની જીવનશૈલી ઉપર જ આવતી કાલનું કે આવનારા ભાવિનું સર્જન થશે. કંઈ પણ કરતાં પહેલાં એની આવશ્યકતા, અનિવાર્યતા અને એનાથી પેદા થનારાં પરિણામો પ્રત્યાઘાતો માટે વિચારો, સાવધ રહો, કારણ કે કર્મને ક્યાંય કોઈનીય શરમ નથી. એ ચોપડા ચોખ્ખા કરીને જ જંપે છે
૪૫. કૃષ્ણ રામ કે તીર્થકર હોય, કર્મમાં ના અપવાદ રે;
બાંધી કરણી ભોગવી સહુએ, તેમાં નથી વિવાદ રે.. કર્મરાય.
૪૬. સુખ ભોગવે છે જે આજે, પુણ્યકર્મનું ભાતું રે;
જમા પુણ્યરાશિ વપરાશે, ઘટશે પુણ્યનું ખાતું રે... કર્મરાય.
૪૭. દુઃખ ભોગવે છે જે આજે, પાપકર્મનું ભાતું રે,
કર્મબંધ હરપળ ઘટે તારા, હૈયું હળવું થાતું રે. કર્મરાય.
૪૮. ક્ષયોપક્ષમ કર્મનો જ્યાં સુધી, મોક્ષ મળે તને ક્યાંથી રે;
ક્ષાયિક ભાવે કર્મ ખપે ત્યારે, વિજય તું મોક્ષનો વાસી રે.કર્મરાય.
ભીતરનો રાજીપો * ૧૧૭