Bhavnu Bhatu

Author(s): Chitrabhanu
Publisher: Jivanmani Sadvachan Mala Trust

Page 5

આ દિવ્ય જીવનના દર્શનથી મારું આશ્ચર્ય પળે પળે વધતું ગયું. અમૃતાહાર પછીની શાન્ત પળોમાં મેં ગંગાદેવીને પૂછયું:
અહીંનાં નરનારીઓનાં જીવનમાં આવો અલૌકિક ચૈતન્યરસ ઊભરાતો મને કેમ દેખાય છે? શું હું જડતાની નીરસતામાંથી આવ્યો છું એટલે કે પછી અહીંના જીવનમાં પ્રમાણ કરતાં વધારે રસ છલકાય છે તેથી ?”
આદર્શની જ્યોતને જલતી રાખવા ગઈકાલે જે નરનારીઓએ હસતા મુખે પિતાનાં અશ્રુઓની અંજલિ વિશ્વદીપને ધરી, તેમના જીવનમાં આજ આ ચૈતન્યપૂર્ણ શાન્ત રસ ઊભરાય તેમાં તમને આશ્ચર્ય લાગે છે?” સહજ સરલતાથી આટલું કહી ત્યાં હાજર રહેલાં પુષ્પ જેવાં સુવાસિત અને પૂર્ણિમા જેવાં સુવિકસિત પુપચૂલ, અરણિક, ચન્દનબાલા, સુવ્રત અને સુમતિના જીવનમૂળમાં કેવાં વેદનાનાં ખાતર અને કરુણાનાં જળ સિંચાયા હતાં, તેની જ્ઞાનગોષ્ટિ ગંગાદેવીએ આરંભી.
ભૂતકાળની એ વ્યથાપૂર્ણ કથા સાંભળતાં વર્તમાનકાળનું રહસ્ય મને મળી ગયું. .
પ્રકાશના પ્રદેશની સ્વપ્નયાત્રાના આ ઉજજવળ પાત્રને પ્રાફકથનની વળી શી જરૂર ?
-ચિત્રભાનું
શ્રાવણી પૂર્ણિમા ૨૦૧૪
અમદાવાદ. ૭