________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
શ્રી જૈન આત્માનંદ સભા-ભાવનગર આયોજિત શિષ્યવૃત્તિ તથા સંસ્કૃત પારિતોષિક સમારંભ
અહેવાલ : મુકેશ સરવૈયા શ્રી જૈન આત્માનંદ સભા-ભાવનગરના ઉપક્રમે અને ગાંધી મહેન્દ્ર ચત્રભુજ એજ્યુકેશન ટ્રસ્ટઘાટકોપર-ઈસ્ટ, મુંબઈના આર્થિક સહયોગથી ગત તા. ૫-૧૨-૦૨ને ગુરુવારના રોજ કોલેજમાં અભ્યાસ કરતાં ૫૬ વિદ્યાર્થી ભાઈ-બહેનોને સભામાં રૂબરૂ બોલાવી શિષ્યવૃત્તિ અર્પણ કરવામાં આવી હતી.
ધો. ૧૦ના સંસ્કૃત વિષયમાં ૮૦ કે તેથી વધુ ગુણાંક પ્રાપ્ત કરનારા આપણા સમાજના તેજસ્વી તારલારૂપ ૪૫ વિદ્યાર્થી ભાઈ-બહેનોને ગાંધી મહેન્દ્ર ચત્રભુજ એજ્યુકેશનલ ટ્રસ્ટ, હસ્તે : ટ્રસ્ટીશ્રી રજનીભાઈ ગાંધી-ઘાટકોપર-મુંબઈના આર્થીક સહયોગથી રૂા. ૨૨૫=૦૦ સુધીના રોકડ ઈનામો, દરેક વિદ્યાર્થી ભાઈ-બહેનોને એક એક સુંદર મોમેન્ટો તથા નયનરમ્ય ટુ કલર અભિનંદન પત્રો એનાયત કરવામાં આવ્યા હતા.
આ જ રીતે ધો. ૧૨ના સંસ્કૃત વિષયમાં ૬૫ કે તેથી વધુ ગુણાંક પ્રાપ્ત કરનાર આપણા સમાજના તેજસ્વી તારલારૂપ ૨૯ વિદ્યાર્થી ભાઈ-બહેનોને શેઠશ્રી શશીભાઈ વાધરના (શશી ઈન્ડસ્ટ્રીઝ-ભાવનગર) આર્થિક સહયોગથી રૂ. ૨૫૦=૦૦ સુધીના રોકડ ઇનામો, દરેક વિદ્યાર્થી ભાઈ-બહેનોને એક એક સુંદર મોમેન્ટો તથા નયનરમ્ય ટુ કલર અભિનંદન પત્રો એનાયત કરવામાં આવ્યા હતા.
ધો. ૧૦ તથા ધો. ૧૨નો સંસ્કૃત વિષયક ઇનામી પારિતોષિક સમારોહ ગત તા. ૧૫-૧૨-૦૨ને રવિવારના રોજ દાદાસાહેબ-આરાધના હોલ ખાતે ડૉ. શ્રી રમણીકલાલ જેઠાલાલ મહેતા પરિવારે ઘાટકોપરમુંબઈ ખાતે આરાધના ભવનના નવનિર્માણ અર્થે આપવામાં આવેલ રૂ. ૫૪ લાખના અનુદાનની અનુમોદનાર્થે ઘાટકોપર શ્રીસંઘના ટ્રસ્ટીવર્યોશ્રી દ્વારા રાખવામાં આવેલ બહુમાન સમારંભ સાથે સંસ્કૃત વિષયક ઈનામી સમારોહની ગોઠવણી કરવામાં આવી હતી. જેમાં ઘાટકોપર જૈન સંઘના પ્રમુખશ્રી રામજીભાઈ શાહ, ટ્રસ્ટીશ્રી રજનીભાઈ ગાંધી, શ્રી વસંતભાઈ પારેખ, શ્રી કીર્તિભાઈ ટાણાવાળા, શ્રી કિશોરભાઈ બેચરદાસ તથા શ્રી પ્રેમજીભાઈ શાહ, ભૂપતભાઈ પારેખ આદિ મહાનુભાવો આ બહુમાન પ્રસંગને અનુલક્ષીને ખાસ મુંબઈથી પધાર્યા હતા.
ડૉ. શ્રી રમણીકલાલ જેઠાલાલ મહેતા પરિવારે આ સભાના લાઈબ્રેરી હોલ માટે આપેલ રૂ. દોઢ લાખના અનુદાનને અનુલક્ષી સભાના પ્રમુખશ્રી પ્રમોદકાંત ખીમચંદ શાહ તથા મંત્રીશ્રી ચીમનલાલ વર્ધમાન શાહ અને કારોબારીના સભ્યશ્રીઓ દ્વારા ડૉ. શ્રી રમણીકભાઈ તથા શ્રીમતી સાવિત્રીબેન રમણીકલાલનું ફૂલહારથી બહુમાન કરવામાં આવેલ.
ધો. ૧૦ તથા ધો. ૧૨ના સંસ્કૃત વિષયક પ્રથમ પાંચ-પાંચ વિદ્યાર્થી ભાઈ-બહેનોનું ઘાટકોપર શ્રી સંઘના ટ્રસ્ટીઓ તથા રમણિકભાઈ મહેતા પરિવારના વરદ્ હસ્તે બહુમાન કરવામાં આવેલ. બાકીના વિદ્યાર્થીઓનું બહુમાન સભાના ટ્રસ્ટીવર્યોશ્રીના વરદ્ હસ્તે કરવામાં આવેલ.
આમ આ સમારોહમાં ભાવનગર શ્રી સંઘના પૂર્વ પ્રમુખ શ્રી મનોહનભાઈ તંબોળી, હાલ પ્રમુખશ્રી સૂર્યકાંતભાઈ ચાવાળા, મંત્રીશ્રી ચંદુભાઈ ડી. વોરા તથા જુદી જુદી સંસ્થાઓના ટ્રસ્ટીઓ તેમજ શ્રી જૈન આત્માનંદ સભાના ટ્રસ્ટીઓ-સભ્યશ્રીઓ અને ધો. ૧૦ તથા ધો. ૧૨ના વિદ્યાર્થી ભાઈ-બહેનો અને તેમના વાલીઓની વિશાળ ઉપસ્થિતિમાં આ સમારોહ શાસન પ્રભાવના પૂર્વ સંપન્ન થયો હતો.
For Private And Personal Use Only
