________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
સુજનતા અને સુભાવ,
પ્રેમ એક એવી અલૈકિક શકિત છે કે જેનાથી મનુષ્યને અનંત લાભ થાય છે. પ્રેમથી માનસિક વિકાર દુર થાય છે, વિચારોમાં કોમળતા આવે છે, સદ્દગુણેની સૃષ્ટિ થાય છે, દુઃખોને નાશ તથા સુખોની વૃદ્ધિ થાય છે, અને એટલે સુધી કે મનુષ્યનું આયુષ્ય પણ વધે છે. જે મનુષ્ય પોતાના હૃદયમાંથી પ્રેમભાવ કાઢી નાંખે છે તે પિતાનાં જીવનને એક સર્વોત્તમ અંશ નષ્ટ કરે છે. પ્રેમ જ મનુષ્યને સાહસિક, ધૈર્યશીલ, અને સહનશીલ બનાવે છે. કેવળ પ્રેમના બળ ઉપર જ નિર્ભર રહીને સુકોમળ સ્ત્રીઓએ ભીષણ યુદ્ધો કરીને વિજય પ્રાપ્ત કર્યો છે. પ્રેમની ખાતર તેઓએ વિકટ કષ્ટો સહન કર્યા છે. પ્રેમ ખાતર માતા પોતાના પુત્ર માટે અનંત કષ્ટ સહન કરે છે અને પોતે બધી જાતનાં દુઃખો ભેગવીને પણ તેને સુખ આપવા યત્ન કરે છે. માતાઓને ઘણે ભાગે એવી અવસ્થામાં રહેવું પડે છે કે જેમાં તેઓને પ્રેમને આધાર ન હોય તો તેઓ બીમાર પડી જાય છે. પરંતુ એ પ્રેમ તેઓને બીમારીમાંથી બચાવે છે. ઉલટું શુદ્ધ પ્રેમ તેઓને બલિષ્ટ તથા સુંદર બનાવે છે. પ્રેમ વગર સર્વોત્કૃષ્ટ સુખ સામગ્રી આપણને જરા પણ પ્રસન્ન કરી શકતી નથી. પરંતુ પ્રેમની સહાયતાથી આપણે કઈ પણ જાતની સુખ સામગ્રી વગર પણ અત્યંત સુખી થઈ શકીએ છીએ. કહેવાનું તાત્પર્ય એ છે કે પ્રેમથી સંસારની સઘળી ઉત્તમ બાબતોની સૃષ્ટિ થાય છે અને સઘળી ખરાબ બાબતોનો નાશ થાય છે.
સંસારમાં સુખથી અને પ્રતિષ્ઠાપૂર્વક રહેવા માટે મિલનસાર થવાની મહાન આવશ્યક્તા છે. અને મિલનસાર તે જ મનુષ્ય થઈ શકે છે કે જેનું હૃદય પ્રેમપૂર્ણ હોય છે. સંસારમાં આપણું અનેક કાર્યો મિલનસાર પણાથી જ સાધી શકાય છે. જે મનુષ્યને સ્વભાવ પ્રેમપૂર્ણ અને મિલનસાર હોય છે તેને સર્વ સ્થળે અને સર્વ અવસ્થાઓમાં મિત્રો અને સહાયકો મળી રહે છે. આપણે હમેશાં જોઈએ છીએ કે મિલનસાર મનુષ્ય કઠિનમાં કઠિન કાર્યો ઘણુંજ સહેલાઈથી કરી શકે છે. અને જે મનુષ્યનો સ્વભાવ મિલનસાર નથી હોતો તેને સાધારણ કામ કરવામાં પણ મુશ્કેલી પડે છે. છેવટે સાંસારિક ઉન્નતિ માટે તો મનુષ્યને મિલનસાર બનવાની ઘણું જ જરૂર છે. એટલા માટે દરેક મનુષે પોતાને સ્વભાવ મિલનસાર તથા પ્રેમપૂર્ણ બનાવવા પ્રયત્નશીલ રહેવું જોઈએ.
(ચાલુ)
For Private And Personal Use Only
