Ananda

Author(s): H C Bhayani, Pritam Singhvi
Publisher: Parshwa International Shaikshanik aur Shodhnishth Pratishthan

Page 17

१०. तिण्णि काल बाहिरि वसहिं, सहहिं परिसह-भारु ।
दंसण-णाणह बाहिरउ आणंदा रे भारिसि एउ जमु कालु ॥ ११. पक्खि मासि भोयणु करहिं, पाणिअ-गासु निरासु ।
अप्पा झायहिं ण झाणहिं, आणंदा रे तिहं जमपुरि वासु ॥
१२. बाहिर लिंग धरेवि मुणि, तूसहि मूढ णिचिंतु ।
अप्पा एक्कु ण झायहिं आणंदा रे सिवपुरि णाहि णिभंतु ||
जिणवरु पुज्जहिं गुरु थुणहिं, सत्थहं माणु करहिं । अप्पा देउ ण चिंतवई, आणंदा रे ते णर जमपुरि जाहिं ।।
१४. जो णर सिद्धहं झाइयहिं, अरि जिणन्ति झाणेहिं ॥
मोक्खु महापुरु णियडउ, आणंदा रे भव-दुह पाणिउ देहि ॥
१५. जिणु असमत्धु वि मुणि भणहिं, तारण-मल्ल न होइ ।
मारगु तिहुयणि अक्खियउ, आणंदा रे अप्पा करइ सु होइ ॥
१६. जिम वइ साणरु कठ महि, कुसुमहिं परिमलु होइ ।
तिम देहहि जिउ वसहि आणंदा रे विरल बुज्झइ कोइ ॥ १७. बंध-विहूणउ देउ सिउ, णिम्मलु मलहि विहीणु ।
कमलिणि-दलि जल-बिंदु जिम, आणंदा रे णवि तसु पावउ ण पुण्णु ॥
१८. हरि हरु बंभु वि सिउ णही, मन-बुधि ही लखिउ(?) ण जाइ ।
मज्झे सरीरह सो वसइ, आणंदा रे लिज्जइ गुरुहु पसाइ ॥