Agam Suttani Satikam Part 06 Bhagvati

Author(s): Dipratnasagar, Deepratnasagar
Publisher: Agam Shrut Prakashan

Page 509

भगवती अङ्गसूत्रं (२) ४१/-/१/१०६८ भवग्गहणेणं सिज्झंति जाव अंतं करेति ?, हंता सिज्झंति जाव अंतं करेन्ति, जइ सलेस्सा किं सकिरिया अकिरिया ?, गोयमा ! सकिरिया नो अकिरिया, जइ सकिरिया तेणेव भवग्गहणेणं सिज्झति जाव अंतं करेन्ति ?, गोयमा ! अत्थेगइया तेणेव भवग्गहणेणं सिज्झति जाव अंतं करेन्ति अत्थेगइया नो तेणेव भवग्गहणें सिज्झंति जाव अंतं करेन्ति ।
जइ आयअजसं उवजीवंति किं सलेस्सा अलेस्सा ?, गोयमा ! सलेस्सा नो अलेस्सा, जइ सलेस्सा किं सकिरिया अकिरिया ?, गोयमा ! सकिरिया नो अकिरिया, जइ सकिरिया तेणेव भवग्गहणेवं सिज्झंति जाव अंतं करेति ?, नो इणट्टे समट्टे । वाणमंतरजोइसियवेमाणिया जहा नेरइया । सेवं भंते! सेवं भंते ! त्ति ।
५०६
-: शतकं - ४१ उद्देशकः-२ः -
मू. (१०६९) रासीजुम्मतेओयनेरइया णं भंते! कओ उववज्जंति ?, एवं चेव उद्देसओ भाणियव्वो नवरं परिमाणं तिन्नि वा सत्त वा एक्कारस वा पन्नरस वा संखेज्जा वा असंखेज्जा वा उवव० संतरं तहेव । ते णं भंते! जीवा जंसमयं तेयोगा तंसमयं कडजुम्मा जंसमयं कडजुम्मा तंसमयं तेयोगा ?, नो इणट्टे समट्टे, जंसमयं तेयोगा तंसमयं दावरजुम्मा जंसमयं दावरजुम्मा तंसमयं तेयोया ?, नो इणट्टे समट्टे, एवं कलियोगेणवि समं, सेसं तं चेव जाव वेमाणिया नवरं उववाओ सव्वेसिं जहा वक्कंतीए। सेवंभंते! सेवं भंते! त्ति ॥
-: शतकं - ४१ उद्देशकः-३ :
मू. (१०७०) रासीजुम्मदावरजुम्मनेरइया णं भंते! कओ उववज्जन्ति ?, एवं चेव उद्देसओ नवरं परिमाणं दो वा छ वा दस वा संखेज्जा वा असंखेज्जा वा उववज्रंति संवेहो ।
ते णं भंते ! जीवा जंसमयं दावरजुम्मा तंसमयं कडजुम्मा जंसमयं कडजुम्मा तंसमयं दावरजुम्मा?, नोइणट्टेसमट्टे, एवं तेयोएणवि समं, एवं कलियोगेणवि समं, सेसं जहा पढमुद्देसए जाव वेमाणियाव । सेवं भंते ! २ त्ति ।
-: शतकं - ४१ उद्देशकः -४:
मू. (१०७१) रासीजुम्मकलि ओगनेरइया णं भंते! कओ उववज्रंति ?, एवं चैव नवरं परिमाणं एक्को वा पंचवा नव वा तेरस वा संखेज्जा वा असंखेजा उववज्जन्ति संवेहो ।
ते णं भंते ! जीवा जंसमयं कलियोगा तंसमयं कडजुम्मा जंसमयं कडजुम्मा जंसमयं कडजुम्मा तंसमयं कलियोगा ?, नो इणट्ठे समट्ठे, एवं तेयोएणवि समं, एवं दावरजुम्मेणवि समं, सेसं जहा पढमुद्देस जाव वेमाणिया । सेवं भंते ! २ त्ति ।
-: शतकं - ४१ उद्देशकः-५:
कण्हलेस्सरासीजुम्मकडजुम्मनेरइया णं भंते ! कओ उववज्जन्ति ?, उववाओ जहा धुमप्पभाए सेसं जहा पढमुद्देसए । असुरकुमाराणं तहेव एवं जाव वाणमंतराणं मणुस्सामवि जहेव नेरइयाणं आय अजसं उवजीवंति अलेस्सा अकिरिया तेणेव भवग्गहणेणं सिज्झति एवं न भाणियव्वं सेसं जहा पढमुद्देसए । सेवं भंते ! सेवं भंतेत्ति ।