Agam Suttani Satikam Part 01 Aacharang

Author(s): Dipratnasagar, Deepratnasagar
Publisher: Agam Shrut Prakashan

Page 440

श्रुतस्कन्धः - २, चूडा-३
४३७ अहाबायराइंपुग्गलाई परिसाङत्ति २ अहासुहमाइं पुग्गलाई परियाइंति २ उड्ढं उप्पयंति उड्ढे उप्पइत्ता ताए उक्किट्ठाए सिग्घाए चवलाए तुरियाए देवगईए अहे णं ओवयमाणा २ तिरिएणं असंखिजाइंदीवसमुद्दाई वीइक्कममाणा २ जेणेव जंबुद्दीवे दीवे तेणेव उवागच्छंति २ जेणेव उत्तरखत्तियकुंडपुरसंनिवेसे तेणेव उवागच्छंति, उत्तरखत्तियकुंडपुरसंनिवेसस्स उत्तरपुरच्छिमे दिसीभाए।
-तेणेव झत्ति वेगेण ओवइया, तओ णं सक्के देविंदे देवराया सणियं २ जाणविमाणं पट्टवेति सणियं २ जाणविमाणं पट्टवेत्ता सणियं २ जाणविमाणाओ पच्चोरुहइ सणियं २ एगंतमवक्कमइ एगंतमवक्कमित्ता महया वेउब्बिएणं समुग्घाएणं समोहणइ २ एगं महं नाणामणिकणगरयणभत्तिचित्तंसुभं चारु कंतरूवं देवच्छंदयं विउव्वइ,
-तस्स णं देवच्छंदयस्स बहुमज्झदेसभाए एवं महं सपायपीढं नाणामणिकणयरयणभत्तिचित्तं सुभं चारुकंतरूवं सीहासणं विउव्वइ, २ जेणेव समणे भगवं महावीरे तेणेव उवागच्छइ २ समणं भगवं महावीरं तिक्खुत्तोआयाहिणं पयाहिणं करेइ २ समणं भगवं महावीरं वंदइ नमसइ २ समणं भगवं महावीरं गहाय।
-जेणेवदेवच्छंदएतेणेव उवागच्छइ सणियं २ पुरत्याभिमुहं सीहासणेनिसीयावेइ सणियं २ निसीयावित्ता सयपागसहस्सपागेहिं तिल्लेहि अब्भंगेइ गंधकासाईएहिं उल्लोलेइ २ सुद्धोदएण मज्जावेइ २ जस्सणं मुल्लं सयसहस्सेणं तिपडोलतित्तिएणं साहिएणं सीतेण गोसीसरत्तचंदणेणं अनुलिंपइ २ ईसिं निस्सासवाववोझं वरनयरपट्टणुग्गयं कुसलनरपसंसियं अस्सलालापेलवं छेयारियकणगखइयंतकम्मं हंसलक्खणं पट्टजुयलं नियंसावेइ २ हारं अद्धहारं उरत्थं नेवत्थं एगावलिं पालंबसुत्तंपट्टमउडरयणमालाउ आविंधावेइआविंधावित्तागंथिमवेढिमपूरिमसंधाइमेणं मल्लेणं कप्परुक्खमिव समलंकरेइ २ ता दुचंपि महया वेउब्वियसमुग्धाएणं समोहणइ २ एगंमहं चंदप्पहं सिवियं सहस्सवाहणियं विउव्वति,
-तंजहा-ईहामिगउसभतुरगनरमकरविहगवानरकुंजररुरुसरभचमरसढूलसीहवणलयभत्तिचित्तलयविजाहरमिहुणजुयलजंत जोगजुत्तं अच्चीसहस्समालिणीयं सुनिरूवियं मिसिमिसिंतरूवगसहस्सकलियं ईसिं भिसमाणं भिब्भिसमाणं चक्खुल्लोयणलेसं मुत्ताहलमुत्ताजालंतरोवियंतवणीयपवरलंबूसपलंबंतमुत्तदामहारद्धहारभूसणसमोणयं अहियपिच्छणिजं पउमलयभत्तिवित्तं असोगलयभत्तिचित्तं कुंदलयभत्तिचित्तं नाणालयभत्ति० विरइयं सुभं चारुकंतरूवं नाणामणिपंचवन्नघंटापडायपडिमंडियग्गसिहर पासाईयं दरिसणिज्जं सुरुवं । मू. (५२१) सीया उवणीया जिनवरस्स जरमरणविप्पमुक्कस्स ।
___ ओसत्तमल्लदामा जलथलयदिव्वकुसुमेहिं ॥ मू. (५२२) सिबियाइ मज्झयारे दिव्वं वररयणरूवचिंचइयं ।
सीहासणं महरिहं सपायपीढं जिनवरस्स ॥ मू. (५२३) आलइयमालमउडो भासुरबुंदी वराभरणधारी।
खोमियवत्थनियत्थो जस्स य मुलं सयसहस्सं॥ मू. (५२४) छट्टेण उ भत्तेणं अज्झवसाणेण सुंदरेण जिणो।
लेसाहिं विसुझंतो आरुहई उत्तमं सीयं ।